Үтүө санааланыы чэрчитинэн ыаллыы сытар Элгээйи нэһилиэгиттэн КФХ салайааччыта Игорь Яковлев анал байыаннай дьайыыга сылдьар хорсун хоодуот уолаттарбытын өйөөн куулунан сибиэһэй хаппыыста анаабытын, Сиэйэ нэһилиэгин олохтоох дьаһалтатын баһылыга Александр Романов, завхоз Иван Тихоновтыын Элгээйиттэн тиэйэн аҕалан буойун уолаттарбыт дьиэ кэргэттэригэр барыта 13 ыалга күһүҥҥү бэлэхтэри түҥэттилэр.
Соһуччу сибиэһэй хаппыыста туппут ыалларбыт ааттарыттан үөрүүбүт кыымын Элгээйи нэһилиэгин амарах санаалаах киһитигэр Игорь Яковлевка хаһыат нөҥүө махталбытын ыытабыт.
Үтүө санааҥ уҕараабатын, туппутуҥ тупса, чэчирии сайда турдун диэн сахалыы сэмэйдик алҕыы хаалабыт!
Зоя Семенова, Сиэйэ.