Улууспут баһылыга Анатолий Григорьев салайааччылаах дэлэгээссийэ кэлэр ый саҕаланыыта анал байыаннай дьайыы буолар турар сиригэр бараары тэринэллэр.
Дэлэгээссийэҕэ ыччат бэлиитикэтин отделын салайааччыта, Кириэстээх, Тэҥкэ, Тойбохой нэһилиэктэрин баһылыктара бааллар. Кинилэр сүрүн соруктара -саха буойуннарын сүргэлэрин көтөҕөр, кинилэр күүс-уох ылалларыгар анаан оҥоһуллубут сэргэни илдьэн туруоруохтара. Сэргэни улууспут үтүө санаалаах дьон бары көмөлөөн, билигин Москваҕа куоракка тириэрдилиннэ.
Ону сэргэ буоларын курдук, «Харысхал» түмсүү өрбүт сиэккэлэрин, үтүө көмөһүттэр хомуйдут малларын-салларын, таҥастарын-саптарын, астарын-үөллэрин биир дойдулаахтарбытыгар кэһии гынан илдьиэхтэрэ. Уопсайа 400-чэ киилэ гуманитарнай көмө хомулунна.
Яина ВЛАСЬЕВА