Сунтаар улууһун Сиэйэ нэһилиэгиттэн төрүттээх, харахпыт далыгар улааппыт оҕобут Октябрин Яковлев улахан түһүлгэҕэ сытыы хапсыһыытын күөх экран нөҥүө көрөн долгуйдубут, түөспүтүгэр мунньуллубут үөрүүбүт уолбутунан киэн туттууга кубулуйда. Октябрин панкратиоҥҥа өрөспүүбүлүкэ 2 төгүллээх чөмпүйүөнэ, Арассыыйа маастара, ДВФО финалиһа буолары ситиспитэ.
Бөөлүүҥҥү киирсии сүрүн түһүлгэтигэр Октябрин Коми өрөспүүбүлүкэтиттэн сылдьар Виталий Чесноковтуун сүрдээх күүрүүлээх хапсыһыы түмүгэр бу да сырыыга кыайыы өрөгөйүн ситистэ, Ил Дархан кубогын хаһаайына буолла!
Бу кыайыы элбэх үлэттэн, сыраттан-сылбаттан, дьулууртан-тулууртан, хастыы эмит сылынан, күннэринэн дьарыктан кэлэрин бары дьэҥкэтик өйдүүбүт.
Успуорт эмиэ ускуустуба биир көрүҥэ буоларын Октябрин Яковлев сытыы киирсиитин кини характерыгар көрдүбүт, итэҕэйдибит. Кыайыы үрдүк чыпчаалынанан Октябрины дойдуҥ дьонун-сэргэтин аатыттан истиҥник эҕэрдэлиибит, ситииһилэриҥ сиэттиьэн истиннэр !
Сүрэхпитигэр эрэл төлөнө кытыастар буоллаҕына, биһиги хаьан да өлөн-охтон биэриэхпит суоҕа!
Зоя СЕМЕНОВА, Сиэйэ