Бүгүн улуус дьаһалтатын аактабай саалатыгар Арассыыйа күнүгэр ыытыллыахтаах тэрээһиннэр тула сүбэ мунньах буолан ааста. Ол курдук, бэс ыйын 12 күнүгэр, дойдубут улахан Судаарыстыбаннай бырааһынньыга үрдүк таһымнаахтык ааһарыгар тустаах тэрилтэ үлэһиттэрэ бэлэмнэнии үлэтин эрдэттэн былаанныыллар.
Биир сүрүн тэрээһининэн «Забег Единства – 2026» өрөспүүбүлүкэтээҕи полумарафон буолуоҕа. Бу күн аан маҥнайгытын ыытыллыахтаах маассабай сүүрүүгэ Саха сирэ бүттүүн түмсэн, биир кэмҥэ стартка тахсыахтара. Оттон Сунтаарга оҕолор уонна улахан дьон Ленин болуоссатыттан саҕалаан уопсайа 6 дистанцияҕа тус-туһунан сүүрүөхтэрэ. Сүүрүү кэмигэр массыына сырыытын хааччахтаан ГАИ сотрудниктара суолу бүөлүү турунуохтара, ДНД-лар уонна волонтердар кинилэргэ күүс-көмө буолуохтара.
Күн устата араас культурнай тэрээһиннэр ыытыллыахтара, ону тэҥэ мэдиссиинэ көһө сылдьар хамыһыйата үлэлиэҕэ. Сарсын, бэс ыйын 10 күнүгэр, Ленин болуоссатыгар 10:00ч. саҕалаан сүүрүү хас биирдии кыттааччытыгар футболка, шейкер, шоппер, браслет уонна мэтээл түҥэтэн саҕалыахтара.
Елизавета ТИТОВА