Быйыл күһүммүт уһаан, киһи эрэ сүүрүөх-көтүөх, оонньуох-көрүлүөх күннэрэ турдулар. Биир чаҕылхай, сылаас күннээх күһүҥҥү күҥҥэ В.И. Иванов аатынын политехническай хайысхалаах Кэмпэндээйи орто оскуолатыгар сылын аайы ыытыллар «Кросс нации» диэн аахсыйа буолла. Сүүрүүнү физкультура учуутала Ян Михайлович Максимов тэрийэн ыытар. Бу күрэхтэһии соруга: эти-хааны сайыннарыы, доруобуйаны харыстааһын уонна маассабай успуорду көҕүлээһин.
Оҕолор сайын устата улаатан, күүстэрэ-уохтара эбиллэн, бэйэ-бэйэлэрин кытта холоһон көрөөрү бэрт көхтөөхтүк кытыннылар. Барыта 32 үөрэнээччи бэйэтин холонон көрдө. Күрэхтэһии түмүгүнэн кыайыылаахтар мэтээлинэн, грамотатанан наҕараадаланнылар. Ол курдук:
Алын кылаас уолаттарыгар: Фокинов Айтал — 1 м.(4-с кыл.), Эверстов Дархан – 2 м. (4-с кыл.), Прокопьев Виктор — 3 м. (2-с кыл.).
Алын кылаас кыргыттарыгар: Слепцова Амина — 1 м. (4-с кыл.), Иванова Мия — 2 м. (3-с кыл.), Иванова Нелли — 3 м. (1-кы кыл).
Орто сүһүөх кылаас уолаттарыгар: Гуринов Антон — 1 м. (6-с кыл.), Сымытов Даниил — 2 м. (7-с кыл.), Иванов Давид — 3 м. (7-с кыл).
Орто сүһүөх кылаас кыргыттарыгар: Кириллина Ивона — 1 м. (7-с кыл.), Пахомова Алгыстаана- 2 м. (6-с кыл.), Фокинова Айгылаана — 3 м. (7-с кы.л).
Улахан сүһүөх кылаас уолаттарыгар: Гуринов Максим 1 м.(7кыл), Гуринов Тимур 2 м.(10 кыл), Иванов Слава 3 м.(9 кыл).
Улахан сүһүөх кылаас кыргыттарыгар: Ямщикова Карина — 1 м. (9-с кыл), Кириллина Иванна — 2 м. (9-с кыл).
Бу маннык спортивнай тэрээһиннэр ыччаттарга тус бэйэни салайынарга, эрчимнээх буоларга уонна доруобуйаны харыстааһыҥҥа иитэллэр. «Кросс нации» — дьону бииргэ холбоон, эти-хааны сайыннарар, чөл олоххо угуйар бэйэтэ туспа уратылаах спортивнай бырааһынньык буолар.
Сильвия ГУРИНОВА, 11-с кылаас үөрэнээччитэ