Улуус окко субуоккатын ылан көрдөххө, күн бүгүн ходуһа хоһууннара уопсайа 13034 туонна оту чөкөппүттэр. Былаан 46,55 бырыһыана туолбут. Оттон былырыын бу күҥҥэ улуус үрдүнэн 16815,1 туонна оттоох эбиппит.
Билигин ходуһаҕа 13718 гаа сир охсуллан сытар. От үлэтигэр 2267 киһи сылдьар, 863 тиэхиньикэ күүһэ хото туһаныллар.
Манна даҕатан эттэххэ, бу ыйдааҕы сэлээркэ улууска тыа хаһаайыстыбатын салаатыгар 32 туонна бэриллибит. Ол онтон 12 хаһаайыстыбаҕа тыырыллыбыт, 7 нэһилиэккэ сайаапка быһыытынан бэриллэр. Бу туһунан тыа хаһаайыстыбатын управлениетын салайааччыта Владимир Анисимов иһитиннэрдэ.
Яина ВЛАСЬЕВА
Анна Маркова хаартыскаҕа түһэриитэ