Тыа хаһаайыстыбатын управлениетын балаҕан ыйын 3 күнүнээҕи окко субуоккатыттан көрдөххө, улуус отчуттара бу күҥҥэ 20429 т оту бэлэмнээтилэр. Былырыыын баччаҕа 25676, 8 т от чөкөтүллүбүт эбит.
Күн дьыл туран биэрэн, от үлэтэ далааһыннаахтык баран иһэр. Билигин ходуһаҕа 616 киһи, 335 тиэхиньикэ сылдьар. Охсуллубутунан 19710 га сир баар. Бу күннэргэ бу отторун хомуйан, чөкөтөн, бу быйылгы былааны ситэргэ кыах баар курдук. Оттон былааммытын 28000 т этэ. Онтон 72,96 бырыһыанын толорбуттар.
Ньурба улууһун сиригэр-уотугар оттуу сылдьар «Ил-Тосхол» мобильнай биригээдэтэ225 тонна оту чөкөттө.
Нэһилиэктэринэн ылан аҕыйах нэһилиэги холобурга ааттыахха. Ол курдук, 1350 т оту бэлэмниир сорудахтаах Дьаархан нэһилиэгэ бу күҥҥэ былаанын 102,2 бырыһыан толорон олорор. Билигин да оттоон бүтэ илик 10 киһи ходуһаҕа сылдьар. От үүнүүтэ быйыл бэрт, төһө да ууга бардарбыт, кыстыыр оппутун булунан эрэбит диэн этэллэр. Сиэйэдлэр эмиэ былааннарыгар чугаһатан эрэллэр. Ол курдук, бу күҥҥэ 1353 т оттоохтор. 922 га сир охсуллан сытар. Кириэстээх нэһилиэгэр кээпэрэтиип 450 т оттоммуттар, чааһынайдар 720, бааһынайдар 280 туонналаахтар, онон холбоон Кириэстээх отчуттара 1480 т оту булуммуттар.Түбэй-Дьаархан кыстыыр отторун 91,65 бырыһыанын чөкөппүттэр.
Оттон бу сайыҥҥы ардах содулуттан ходуһалара бүтүннүү ууга сытар ыксаллаах балаһыанньалаах Туойдаах нэһилиэгэ бу күҥҥэ 87 туонна оту чөкөппүттэр.
Яина ВЛАСЬЕВА