Улууспутугар төһө оттоннубут?
Атырдьах ыйын 30 күнүнээҕи туругунан улууска 5643,8 туонна от бэлэмнэннэ. Оттон былырыын бу күҥҥэ 6291 туонна чөкөтүллүбүт эбит. Ходуһаҕа 7659 гаа сир охсуллан сытар.
Бу отчуоттуур кэмҥэ от үлэтигэр 2259 киһи, 865 тиэхиньикэ сылдьар.
Үүт туттарыыта
Улууспутугар үүтү соҕотуопкалыыр 8 тэриллиилээх хаһаайыстыба баар. Бу тэрилтэлэр бу сылга уопсайа 5335,92 туонна үүтү тутан астыыр былааннаахтар. Ол курдук, «Тускул» ХЭТ – 740, «АЛ-Су» ТХПК – 559,00, «Уйгу» ТХПК – 150, «Үрдэл» ТХПК – 2198,99, «Благо8» ТХПК — 250, «Элгээйитээҕи эт-үүт кэмбинээтэ» ХЭТ – 364,80, «Хочо» МУП – 533,13, «Милк-Ас» ХЭТ – 540 туонна үүтү тутуохтаахтар.
Бу былаантан билиҥҥи туругунан 55,84 бырыһыана туолбут. Ол эбэтэр 2979,46 туонна буолбут. Ол иһигэр «тускуллар» — 517,27, «Ал-Су» — 369,73, «Уйгу» — 111,57, «Үрдэл» — 1739,45, «Благо 8» — 137,74, «ЭММК» — 123,45, «Хочо» — 328,40, «Милк-Ас» 402,73 туонна үүтү туппуттар.
Яина ВЛАСЬЕВА
Павел Кырелов хаартыскаҕа түһэриитэ