Халлааммыт туран биэрэн, оттооҥ диэбиттии бэртээхэй күннэр буоллулар. Сайыҥҥы биир күн дьылы аһатар диэбиттии отчуттар кураан күннэри баттаһа ходуһаҕа оҕолуун, кырдьаҕастыын бары сорохтор хотуур, сорохтор кыраабыл тутан үлэ бөҕөнү үлэлээтилэр. Тиэхиньикэ күүһүн кытары туһаналлар. Кураанах сирдэрин, ууга да сытар сиртэн охсуллубут оту соһон таһааран куурдан, бугуллаан, кэбиһиилээх оттор ходуһаҕа, тэлгэһэҕэ далга кэчигирэстилэр.
Ол курдук, бүгүҥҥү, атырдьах ыйын 10 күнүнээҕи туругунн улуус үрдүнэн 11125 туонна от чөкөтүлүннэ. Оттон былырыын баччаҕа 111552,7 туонна от бэлэмнэммит эбит. Бу күҥҥэ ходуһаҕа 2389 киһи, 881 тиэхиньикэ сылдьар.
Оттон үүт соҕотуопкатын билиһиннэрэр буоллахха, билиҥҥи туругунан улууска бэриллибит сорудах 72,40 бырыһыана толоруллубут. Ол курдук, 5335,92 т үүт соҕотуопкаланыахтааҕыттан 3862,97 туоннатын туттарбыттар. Үүтү соҕотуопкалыыр тэрилтэлэринэн этэр буоллахха, «Тускул» ХЭТ бу күҥҥэ — 561,83 (бэриллибит сорудтахтан 75,92 % туолбут), «Ал-Су» — 385,07 т (68,89 %), «Уйгу» — 119,85 т (79,90%), «Үрдэл» — 1763,46 т (80,19 %), «Благо 8» — 153,33 т (61,33%), Элгээйитээҕи эт-үүт кэмбинээтэ – 123,45 т (33,84%), «Хочо» — 328,40 т (61,60 %), «Милк-Ас» 427,58 т (79,18%) соҕотуопкалаабыт.
Яина ВЛАСЬЕВА
Анна Маркова хаартыскаҕа түһэриитэ