Сунтаарга саха ынахтара баалларын билэбит. Элгээйигэ Светлана, Борис Габышевтар саха ынаҕын ииппиттэрэ ыраатта, билигин саха оҕуһун туталлар.
Светлана, Борис Габышевтар сопхуос эстиэҕиттэн ынаҕы-сүɵһүнү туталлар. Муҥутаан хаһаайыстыбаларыгар биэс уонча тɵбɵлɵнɵ сылдьыбыттара. Билигин сааһыран аччаттыбыт, арай аҕыйах ынаҕы кытары бу саха оҕуһун иитэбит дииллэр. «Уолчаан» диэн Эбэн Бытантайтан төрүттээх саха оҕуһа. Борис Габышев- Элгээйи нэһилиэгин Сунтаар улууһун бочуоттаах олохтооҕо: «Саха ынахтарын анаан Эбээн Бытантайтан ылан ииппитим ыраатта. Бу Уолчаан олус сымнаҕас, көлүйэргэ үөрэтэн чурумчукулаан сылдьабыт». Соторутааҕыта кыһыны атаарар сандал сааһы кɵрсɵр дьоро күҥҥэ ыаллар буор босхо, ɵссɵ кэмпиэт манньалаах оҕолору оҕуска хатааһылатан үɵрдүбүттэрэ.
Маны кэккэ Габышевтар ыһыах аайы хорчуоппалыыллар, кэнники сылга саха аһынан сандалылаах түһүлгэ төрүттээн дьону күндүлүүр үгэстээхтэр.
Саха оҕуһа уҥуоҕунан намыһах, ол эрээри олус кыайыгас. Маннык оҕуһу кɵлүйдэххинэ этэ быстан сииргэ үчүгэй буолар диэн этэллэр.
Тускулаана ГОРОХОВА-КОБЕЛЬЯНОВА