Уһун дохсун ардахтар содулларыттан улууспутугар тыах хаһаайыстыбатын салаатыгар үгүс хоромньуну таһаарда. Ол курдук, оттуур ходуһа 72 бырыһыана ууга сытар диэн исписэлиистэр этэллэр. Төһө да уу буоллар, дьон үрдүк сирдэрин оттуу, ходуһаҕа киирбиттэр.
Тыа хаһаайыстыбатын управлениета иһитиннэрэринэн, билигин от үлэтигэр 1305 киһи, 568 тиэхиньикэ сылдьар. Бүгүҥҥү туругунан улуус үрдүнэн 872, 5 туонна от чөкөтүллүбүт. Оттон 2563 га сир охсуллан сытар.
Интэриниэт борогунуоһа бу ый хаалбыт күннэрэ кураан, кэлэр ый саҥата ыйдааҕы нуорматтан кыра сөҥүүлээх, оттон иккис ый аҥаарыгар эмиэ нуорманы куоһаруон сөп диэн көрдөрөр. Онон бу куранакүннэри туттумахтаһан хаалыахха. Ходуһаттан ууну түһэриигэ салалта да, управление да, отчуттар да үлэ ыыталлар. Бырабыыталыстыбаҕа, тыа хаһаайыстыбатын министиэристибэтигэр көмө көрдөөн, сайаапка бэриллибит. Түмүгэ үчүгэй буоларыгар баҕарабыт.
Яина ВЛАСЬЕВА