Бу ый 20 күнүгэр улуус дэлэгээссийэтин кытары Аллыҥаттан баһылыкпыт Кирилл Марков анал байыаннай дьайыы буола турар сиригэр барда. Ол иннинэ бэйэбит нэһилиэкптт уолаттарыгар мал-сал, ас-таҥас ыларга бүтүн нэһилиэгинэн үбүнэн көмө буолуохха диэн бэрт кылгас кэм иһигэр аахсыйа лотерея тэрийэн оонньотттубут. Манна ыраахтан-чугастан Аллыҥаттан төрүттээхтэр даҕаны, атын амарах сүрэхтэх дьон даҕаны сүрдээҕин түмсэн 300 бириис туруордулар. Бэл диэтэр убаһаҕа, иистэнэр массыынаҕа, эрбиигэ, эккэ,үүккэ тиийэ сыаналаах бириистэр оонньоннулар. Уопсайа 300.000 солкуобай уонна көннөрү үбүнэн 50.000 солк хомуллан көмөҕө барда.
Аны саха дьонун сиэринэн байыастарга Саха сириттэн алгыһынан, этэҥҥэ буолан кэлэллэригэр ыраланан, үгүс элбэх үтүө тыл иҥпит саҥыйахтаах алаадьы ыал аайы буһарыллан «аанньал-алаадьы» хомуллан баһылыкпытыгар тутттардыбыт.
Надежда ИВАНОВА. Аллыҥа