Күндэйэҕэ АБДЬ кыттыылааҕа, биир дойдулаахпыт, Георгиевскай кириэс IV истиэпэннээх кавалера, А.Суворов аатынан анал мэтээл хаһаайына А.К.- «Кочегар» кытары көрсүһүү тэрилиннэ.
Көрсүһүүнү сэргэ нэһилиэкпитигэр салгын саатынан ытыыга уонна дартска күрэхтэһии тэрилиннэ.
Ытыы+дартс түмүгүнэн 50 саастарыгар диэри кыттааччыларга үһүс миэстэни Иван Петров, иккиһи Афанасий Меняков ыллылар. Оттон Иван Константинов кыайыылаах буолла. 50 саастарыттан үөһэлэргэ 3 м. — Валерий Гуринов, 2 м. — Ворошил Елисеев. Александр Петров бастаата.
Бу күрэхтэһиигэ уолбут Александр икки бириис туруорда. Ол курдук, «Штиль» эрбиини бастаабыт Александр Петровка уонна пневматическай сааны үөрэппит ытыктыыр учууталыгар Валериан Сергучевка туттартаата.
Кэлэн кыттыыны ылбыт аҕам саастаахтарбытыгар, эдэрдэрбитигэр, олохтоох дьаһалтабытыгар, күрэхтэһиини тэрийбит Олимпий Валерьевичка, кулууптарбытыгар махтал буолуохтун. Сүрдээх үчүгэй бириистэри туруорбут уолбутугар күрэхтэһии кыттыылаахтара махтаннылар, барыта этэҥҥэ буоларыгар баҕа санаа бастыҥын эттилэр.
Өрүү маннык көхтөөх, сомоҕолоһуулаах, түмсүүлээх буолуохха, бары доруобай, этэҥҥэ эрэ буолуҥ! Көмө буолбут дьоммутугар дьиэ кэргэттэрбитигэр махтал, баһыыба буоллун, сэрии бүтэ охсон эйэлээх олох буоллун! Уолаттарбыт этэҥҥэ эргиллэн кэллиннэр!
Василий САВВИНОВ, нэһилиэк аҕаларын сэбиэттэрин салайааччыта