Аҕыйах хонуктааҕыта Күүкэйгэ Аҕа дойдутун иннигэр ытык иэһин чиэстээхтик толорон анал байыаннай дьайыыга хорсуннук охсуспут уонна олоҕун толук уурбут биир дойдулаахпыт, оскуолабыт выпускнига, «Хорсун быһыы» уордьан кавалера Владимир Егоров сырдык кэриэһигэр тэрээһин буолан ааста. Ол курдук, уолбут, АБДь кыттыылааҕа Владимир бүүһүн «Албан аат» аллеятыгар туруоруу сиэрэ-туома ыытылынна.
Владимир 2022 с. АГАТУ-га «Техника безопасности гражданской обороны и чрезвычайной ситиации» отделга сүрүннүүр исписэлииһинэн үлэлиир. Владивосток куоракка 10 байыаннай үөрэҕи ааһаат Запорожье куорат территориятыгар баран, гранатометчик дуоһунаска анаммыт.
2023 с. алтынньы 24 күнүгэр байыаннай эпэрээссийэҕэ бииргэ сулууспалаабыт доҕотторун быыһыы киирэн сырдык тыына быстыбыт. Бааһырбыт байыастары таһаарыыга хорсун быһыытын иһин, өлбүтүн кэннэ «Хорсун быһыы» уордьанынан наҕараадаланар.
Биир дойдулаахпыт Владимир Егоров хорсун быһыыта эдэр көлүөнэҕэ кэхтибэт холобур, кырдьык уонна көҥүл иһин охсуһуу үйэлээх өйдөбүлэ буолуоҕа.
Светлана ПОПОВА, Күүкэй