Сунтаар нэһилиэгин баһылыга Эдуард Филиппов биһиги оскуолабыт үөрэнээччилэрин кытары көрүстэ. Кини СВО-ҕа сылдьыбытын туһунан, хорсун санаатын уонна эрэллээх эр киһи быһыытынан сыһыанын арыйда. Таатта улууһугар сылдьан ылбыт үөрүйэҕин оҕолордуун үллэһиннэ, лидер хаачыстыбатын сайыннарыыга сүбэлэрин биэрдэ.
Успуорт киһи олоҕор хайдах дьайарын туһунан кэпсиирин оҕолор сэргээтилэр. Чөл олох, күүстээх эт-сиин уонна санаа күүһэ киһини ситиһиигэ тиэрдэрин ыйда. Эдуард Егорович аан дойду сонуннарын кэпсиирин оҕолор болҕомтолоохтук иһиттилэр, кини тулалыыр эйгэни кэтээн көрөргө уонна инникигэ эрэллээх сылдьарга санаатын үллэһиннэ.
Сунтаар 2 №-дээх оскуолатын сонуннарыттан