Быйыл өрөспүүбүлүкэбитигэр Үлэ сыла биллэриллэн, улууспутугар үгүс үлэ барар. Ол курдук Сиэйэ нэһилиэгэр улуус, нэһилиэк дьаһалталарын өйөбүлүнэн саҥа хочуолунай тутуллан бүтэн эрэр. Тутууну Зинаида Седалищева салайааччылаах «Сайдам» ХЭТ ыытар. Хочуолунай тутуута ситтэҕинэ нэһилиэк социальнай эбийиэктэрин сылааһынан хааччыйыаҕа. Ол иһигэр быйыл үлэҕэ киириэхтээх култуурунай-спортивнай комплексы.
Олохтоохтор мантан инньэ оҕо уһуйааныгар уот барар түгэнигэр оҕолорун ылыылара тохтуура күүтүллэр. Ону таһынан социальнай тутуулар ититиилэрин таһыма үрдүөҕэ. Инньэ гынан нэһилиэккэ 6 саҥа үлэ миэстэтэ тахсыаҕа диэн Сиэйэ нэһилиэгин баһылыга Александр Романов иһитиннэрэр.
Гаврил АНДРЕЕВ.