Дойдубутугар Дьиэ кэргэн сыла биллэриллэн, үүммүт сыл дьиэ кэргэн сыаннастарын үрдэтэргэ, бигэ туруктаах ыал ахсаанын элбэтэргэ, олохпут тутула тупсарыгар туһуланна.
Бүгүн биһиги билсиһиннэрэбит Дария, Юрий Васильевтары. Кинилэр Сунтаарга олохсуйбуттара 20-чэ сыл буолбут. 3 кыталык кыргыттардаахтар. Иккиэн педагог идэлээхтэр, кэнчээри ыччаты иитэр эйгэҕэ үлэлииллэр. “Дьиэ үлэтигэр бары бииргэ сылдьабыт. Сайын сир аһын арааһын хомуйабыт, балыктыыбыт, оҕуруот аһын олордобут. Дьиэбитигэр успуорт саалалаах буолан, эппитин-хааммытын эрчийэрбитин сөбүлүүбүт. Аҕабыт сайыҥҥы өттүгэр эт-хаан өттүн чэбдигирдэр “Дьулуур” диэн оскуола оҕолоругар спортивнай дьарыгы ыытар”- диэн ыал ийэтэ Дария кэпсиир. Көхтөөх ыал ыытыллар араас тэрээһиҥҥэ үөрэ-көтө кытталлар. Улууспутугар ыытыллыбыт “Саха төрүт ыала-2022” күрэскэ ситиһиилээхтик кыттан II миэстэ буолбуттара.
Санатар буоллахха, быйыл Арассыыйаҕа биллэриллибит Дьиэ кэргэн сылыгар “Всей семьей” бырайыак үлэлиир. Бу бырайыак чэрчитинэн кыттааччылар араас тэрээһиҥҥэ сылдьан, уустуга суох сорудахтары толорон бириистээх оонньууга кыттыахтарын сөп. Бырайыак сайта всейсемьей.рф
Алена ИВАНОВА
