Элбэх оҕолоох эдэр ийэ Мария Федорова ураты дьарыктаах . Мария 4 оҕолоох. Иллэҥ кэмигэр оҕолорун уратытык, кэрэтик симээн хаартыскаҕа хатыыр дьарыктаах. Ордук 6 саастаах кыыһын Кэрэлини араастык симээн түһэрэр. Мария хаартыскаҕа түһэриигэ ханна да үөрэммэтэх. Бэйэтин телефонугар түһэрэр уонна хаартыскаларын телефонугар ситэри чочуйан, оҥорон биэрэр. Оҕолорун уобарастарын бэйэтэ толкуйдуур. Хаартыскаҕа хатанар таҥастарын эмиэ бэйэтэ тигэр. Иэйиитин куйаар ситимиттэн пинтерестан ылар. Мария идэтинэн музыка учуутала. Сунтаарга меццо сопрано куоластаах биллэр ырыаһыт. Билигин кырачаанын көрөн дьиэтигэр олорор кэмэ. Мария фотограф талаанын сайыннаран айымньылаах үлэлэрин өссө да күүтэбит.
Мира АФАНАСЬЕВА
