Сунтаар улууһун дьаһалтатын физкультураҕа уонна успуорка салаата (салайааччы Дьулустан Егоров) «Хас биирдии дьиэ кэргэҥҥэ – чэбдигирдэр успуорду!» диэн ааксыйа тэрийэн ыытта. Манна чөл олоҕу тутуһар, успуорду өрө тутар Сунтаар улууһун дьиэ кэргэттэрэ хайдах успуордунан дьарыктаналларын туһунан тэттик киинэ оҥорон кытыннылар.
Балаҕан ыйын 2 күнүгэр кыттааччылар: Сунтаартан Васильевтар, Ксенофонтовтар, Кутанаттан Ивановтар А.И.Иванов аатынан олимпийскай резервэ спортивнай оскуолаттан (салайааччы П.С.Павлов) 2024-25 үөрэх сылыгар «Алмаз» манежка босхо успуордунан дьарыктанарга, «JOL” маҕаһыынтан (ИП Васильева) туоһу суруктары тутан үөрдүлэр.
Маннык дьону маассабай успуорка көҕүлээн, дьиэ кэргэн сынньалаҥын өйөөн тэрээһиннэр өссө да буолуохтара. Улуус олохтоохторун биһиги ыытар тэрээһиннэрбитигэр көхтөөхтүк кыттыахтара диэн эрэнэбит.
Мария ВАСИЛЬЕВА