Хоро нэһилиэгин «Харысхал» култууратын дьиэтэ, олохтоох бибилэтиэкэ Саха чулуу
киһитэ, бастакы бэрэсидьиэн М. Е. Николаев бэлиэ күнүгэр «Өлбөөдүйбэт өйдөбүл» диэн ытык киһиэхэ аналлаах тематическай көрсүһүүнү тэрийдилэр.
Саха норуота тумус туттар, ытыктыыр , сүгүрүйэр Улуу киһибит Саха сирин бастакы бэрэсидьиэнэ Михаил Ефимович Николаев төрөөбүтэ 88 сылыгар анаан кинигэ быыстапката, «Өркөн өй» интеллектуальнай оонньуу ыытылынна. Манна 1 миэстэни Ольга Старостина, Мария Павлова, 2 миэстэни Вера Иванова, Светлана Игнатьева, 3 миэстэни Тамара Николаева, Мотрена Трофимова ылан мэтээллэринэн наҕараадаланнылар.
Олус интэриэһинэйдик тэрээһини олохтоох бибилэтиэкэр Светлана Игнатьевна, култуура дьиэтин уус-уран салайааччыта Нина Николаевна ыыттылар.
Билигин да Михаил Ефимович норуотун туһугар ыыппыт үлэтэ, өтө көрбүт мындыр өйө- толкуйа Өрөспүүбүлүкэбит сайдарыгар күүс — көмө буола турар. Сүдү убаастыыр салайааччыбыт, чулуу киһибит аата ааттана турдун!
Вера ИВАНОВА