Дьаархан нэһилиэгин «Көмүс күһүн» кырдьаҕастар түмсүүлэрэ аҕа саастаахтар күннэрин чэрчитинэн Дьаархан-Тойбохой-Кириэстээх хайысханан мини-трип баран кэллилэр.
Тойбохойго биир дойдулаахтарын көрүстүлэр. Кириэстээххэ тиийэн саҥа кулуубу уонна бибилэтиэкэни, баҕаларын хоту «Христина» маҕаһыыны кэрийдилэр. Оҕуруот аһын кууһунан атыылааччыга түбэһэн кыһыҥҥы луук диэни хото атыылаһан хаһааннылар.
Дьэ ол кэннэ Бүлүү эбэ кытылыгар турар «Эрчинэй» сынньанар сиргэ тиийэн тото-хана аһаан, Кириэстээххэ олорор кыргыттарын кытта көрсөн оонньоон-көрүлээн, хаартыскаҕа хатаннылар.
Олохторун көмүс күһүннэригэр умнуллубат түгэни «Одун» НАК дириэктэрэ Василий Васильев уонна эрэллээх эдэр суоппар Ньургун Иванов бэлэхтээтилэр. Ытык дьоммутун аҕа саастаахтар күннэринэн эҕэрдэлиибит. Баҕарыа этибит чэгиэн доруобуйаны, аттыбытыгар мэлдьи сүбэ-ама, күүс-көмө буола сылдьаргытыгар!
Анна МАРКОВА, Дьаархан.
Василий Васильев хаартыскаҕа түҺэриитэ