Бүгүн, муус устар 23 күнүгэр, «Үлэҕэ уонна көмүскэниигэ бэлэм буолуу» (ГТО) Бүтүн Арассыыйатааҕы физкультурнай-спортивнай комплекс бэлиэлэрин туттарыы үөрүүлээх түгэнэ буолан ааста.
Бүгүн 2025 сыл иккис уонна үһүс кварталын түмүгүнэн ГТО кыһыл көмүс, үрүҥ көмүс уонна боруонса бэлиэлэрин ылбыт биир дойдулаахтарбытын эҕэрдэлээтибит.
Бу наҕараадалар — дьаныардаах дьарык, күүстээх санаа уонна чөл олоҕу тутуһуу түмүгэ. Хас биирдии бэлиэ — бэйэ кыайыыта уонна улууспутугар спорду сайыннарыыга киллэрбит кылаат.
Наҕараадаламмыт бары дьоммутун итии-истиҥник эҕэрдэлиибит! Ситиһиигэ тохтообокко, доруобуйаҕытын өссө бөҕөргөтөргө уонна атыттарга холобур буола сылдьаргытыгар баҕа санаалаахпыт!
Сунтаар улууһун физкультураҕа уонна успуорка салаата
