Арассыыйа үрдүнэн 2019 сылтан «Готов а труду и обороне» (ГТО) хамсааһына «Успуорт — олох нуормата» диэн федерельнай бырагыраама уонна дойду бэрэсидьиэнэ Владимир Путин көҕүлүүр «Демография» национальнай бырайыактар олоххо киирбиттэрэ. Ол курдук бу бырайыактарга уонна бырагыраамаларга олоҕуран, Сунтаар улууһун дьаһалтата «Развитие физической культуры и массового спорта» диэн федеральнай куонкуруска кыттан кыайан, Бүлүүчээн нэһилиэгэр ГТО былаһааккатын туруорары ситистэ.
Былаһаакка үөрүүлээх арыллыыта атырдьах ыйын 8 күнүгэр физкультура үлэһиттэрин күнүн көрсө өрөспүүбүлүкэ үрдүнэн Сунтаар, Ньурба, Уус-Алдан, Кэбээйи, Горнай улуустарыгар, уопсайа 6 былаһаакка, аһаҕас ситим нөҥүө арыйдылар.
Тэрээһиҥҥэ аһаҕас ситим нөнүө СӨ физическай култууратын уонна успуордун миниистирэ Леонид Спиридонов тутуулар олоххо киирбиттэринэн эҕэрдэтин тириэртэ. Бүлүүчээн нэһилиэгин аатыттан нэһилиэк баһылыга Сергей Барамыгин, оскуола дириэктэрэ Василий Степанов уонна бэтэрээннэр сэбиэттэрин бэрэссэдээтэлэ Надежда Данилова тыл эттилэр. Хас биирдии улуус кыһыл лиэнтэни быстылар.
Бүлүүчээн нэһилиэгин оҕолоро, ыччата, аҕа саастаахтара кэлэн дьарыктана туруохтара, чөл олоххо тардыһыахтара диэн эрэнэбит.
Карина ЕГОРОВА, Бүлүүчээн
Ааптар хаартыскаҕа түһэриитэ