Хой
Айарга-тутарга табыгастаах нэдиэлэ. Өй үлэтин өрө тутуоҥ. Нэдиэлэ иккис аҥаара сонун билсиһиилэри, сэргэх көрсүһүүлэри тосхойуо. Доҕоттору кытта сыһыан тыҥаан ылар чинчилээх. Оҕо дьону кытта алтыһарга, успуордунан дьарыктанарга ааттаах кэм.
Оҕус
Доруобуйа туругун тупсарар туһунан толкуйдуоҥ. Өйүҥ-санааҥ үлэ-хамнас тула буолуо. Бу күннэргэ баар кыһалҕалары быһаарар кыахтаныаҥ. Нэдиэлэ иккис аҥаарыгар эбии дохуоттанарга кыах көстүө. Ол эрээри кыаҕы таһынан эппиэтинэһи сүгэртэн туттуммутуҥ ордук.
Игирэлэр
Тус олоххор баар сыһыаннар инники күөҥҥэ буолуохтара. Чугастык саныыр доҕоргутун кытта сыһыаны бөҕөргөтөргө кыһаллыаҥ. Нэдиэлэ бүтүүтэ үлэ-хамнас тахсыылаах, көдьүүстээх буолуо. Көрдөөх майгыҥ үгүһү ситиһэргэ көмөлөһүө. Бэйэмсэх буолууну киэр туппутуҥ ордук.
Араак
Үп-харчы, иэс-күүс туһунан толкуйдар киириэхтэрэ. Тус бэйэҥ санааҕар тирэҕирдэххинэ, бу боппуруоһу дөбөҥнүк быһаарыаҥ. Докумуоҥҥа, хамсаабат баайга-дуолга сыһыаннаах боппуруостар көтөҕүллүөхтэрин сөп. Аймах дьон, дьиэ кэргэниҥ соһуччу көмөлөһөргө турунуулара үөрдүө.
Хахай
Саҥаны билэргэ-көрөргө тардыһыыҥ күүһүрүө. Үөрэнэргэ табыгастаах кэм. Ыраах айан-сырыы табыллар чинчилээх. Айар үлэнэн, билим эйгэтинэн дьарыгырарга туругуруоҥ. Таарыйбыккар барытыгар табыллар кэмнэриҥ. Успуордунан дьарыктанааччылар күрэхтэргэ инники буолуохтара.
Кыыс
Сыалгын-соруккун чопчулуур кэмиҥ. Онно олоҕуран инники былааннаргын ымпыктыаҥ. Нэдиэлэ саҕаланыыта үрдүк сололоохтору кытта алтыһыаххын сөп. Үлэҕэ кичэллээх буоларга, өй үлэтинэн дьарыгырарга тоҕоостоох кэм. Үлэҥ түмүгэ хаһааҥҥытааҕар да харахха быраҕыллыан сөп.
Ыйааһын
Доҕоттору кытта алтыһыы табыллыа. Атас-доҕор эйгэтигэр сүрүннээччи, түмээччи буолуоҥ. Бу кэмнэргэ ханнык эмэ түмсүүнү төрүттүөххүн да сөп. Инникини былаанныыргар кэргэн, чугас доҕор оруола үрдүк буолуо. Өрөбүл күннэргэ дьон ортотугар көхтөөх сынньалаҥтан туттуммут ордук.
Скорпион
Соҕотох сылдьан ырыҥалыырга, ырааҕы-чугаһы сыымайдыырга тоҕоостоох кэм. Урукку кэми санаан, сыыһаны-халтыны ырытан инникигин сөпкө былаанныаҥ. Нэдиэлэ иккис аҥаарыгар туох эрэ кистэлэҥи билиэххин сөп. Бу күннэргэ доруобуйа туругун көрүнэриҥ, наада түгэнигэр эмтэнэриҥ ордук.
Охчут
Билиигин хаҥатарга тоҕоос көстүө. Үрдүнэн-аннынан сыһыаннаспакка, наадалааҕы ымпыгар диэри үөрэппитиҥ ордук этэ. Бэйэни сайыннарарга холонуу, эксперименнэр үтүө түмүккэ тириэрдиэхтэрэ. Ол эрээри үлэҕэ-хамнаска, үөрэниигэ соҕотоҕун дьарыктаныы ордук туһалаах буолуо.
Чубуку
Хайдах гынан дохуоту, үп-харчы киириитин үрдэтэр туһунан толкуйдар киириэхтэрэ. Тус бэйэ билиитигэр, уопутугар олоҕуран былааннаабытыҥ ордук. Нэдиэлэ иккис аҥаарыттан былааннаргын олоххо киллэрэргэ кыһан. Туора дьон сүбэтин ылымматыҥ, атын дьон харчытын матайдаабатыҥ ордук.
Күрүлгэн
Тус санааларгын, идиэйэлэргин тарҕатарга табыгастаах кэм. Төлөпүөнүнэн кэпсэтии, суруксуттааһын үксүүр чинчилээх. Ол эрээри ситэ билбэт дьоҥҥунуун, атын дойду олохтоохторун кытта алтыспатыҥ ордук. Нэдиэлэ иккис аҥаарыгар ыраах айаҥҥа бэйэ тырааныспарынан айанныыртан туттун.
Балыктар
Дьиэ-уот боппуруоһун быһаарыы табыллыа. Тутууга, өрөмүөҥҥэ сыһыаннааҕы былаанныаххын сөп. Аймахтардыын сыһыаны тупсарарга сорунуоҥ. Нэдиэлэ иккис аҥаарыгар үлэ-хамнас, туора дьон түбүгэ дьиэттэн-уоттан тэйитиэн сөп. Дьиэтээҕи эйгэҥ сынньанаргар ордук туһалаах буолуо.