Сунтаардааҕы технологическай колледж Саха сирин биир кырдьаҕас үөрэҕин кыһаларыттан биирдэстэрэ буолар.Үөрэх кыһата асчыт, технолог, ювелир, программист, суоппар, сварщик уонна да атын идэлэргэ бэлэмниир.Студеннар идэҕэ үөрэнэллэрин таһынан араас региональнай, бүтүн Арассыыйатааҕы, Аан дойдутааҕы чемпионаттарга, куонкурустарга, күрэхтэһиилэргэ ситиһиилээхтик кытталлар.
Ол курдук, кулун тутар бүтэһик күннэригэр улахан таһымнаах региональнай чемпионаттар, куонкуустар кыайыылаахтара буолан кыайыы көтөллөнөн кэллилэр. «Абилимпикс» күрэскэ»Повар,кондитер»2-с курсун студена Владимир Николаев 1миэстэни ситистэ. Биллэрин курдук бу Аан дойдутааҕы конкурс Японияҕа 1971 сылтан, Арассыыйаҕа 2015 сылтан инбэлиит уонна доруобуйаларынан хааччахтаах студеннар профессиональнай таһымнара үрдүүрүгэр анаан тэриллэр, сүрүн сыалынан студеннар талбыт идэлэрин дириҥник баһылаан, үлэни кэбэҕэстик булунан обществоҕа туһалаах буолууларыгар туһуланар.
Саха сирин уонна Казахстан асчыттара кыттыылаах «Алгыстаах ас» чемпионатка студеннар категорияларыгар «Повар, кондитер» 2-с курсун студеннара ЕвгенияСлюсарь, Феона Кузьминова 1 миэстэни ыланнар кыайыылаах үрдүк аатын сүктүлэр. Манна даҕатан эттэххэ, бу идэҕэ бэлэмниир маастар-наставник Альбина Алексеевна Спиридонова студеннара сылын аайы өрөспүүбүлүкэ таһымыгар мэлдьи бастыҥнар. Уһуйааччы үөрэтэр таһыма үрдүгүн, дириҥ маастарыстыбатын көрдөрөр.
Маны тэҥэ, студеннар ортолоругар ыытыллыбыт 6-с республиканскай олимпиада » Информатика уонна вычислительнай техника» көрүҥэр ИСиП 2-с курсун студена Тускулаан Кокорев 3 миэстэни ылан, программист идэтигэр үөрэнэр студеннарбыт билиилэрин таһыма үрдүгүн көрдөрдө, куратора уонна преподавателэ Мария Александровна Архипова.
Салгыы Бүтүн Арассыыйатааҕы «Студенческая весна» региональнай этабыгар Варламова Даяна соло толорон биһирэннэ, Дайаана Ераскумова хомустаан 1ст лауреат буолан, аны сайын Ставрополь куоракка бэстибээл финалыгар кыттар ыҥырыыны тутта, уһуйааччылара Анастасия Валерьевна Аргылова.
Бу курдук колледж ситиһиитэ, уһуйааччылар үлэлэриттэн киэн туттуута, аатырыыта, студеннар ситиһиилэриттэн ырылыччы көстөр.
Татьяна ФЕДОРОВА- колледж директорын иитиигэ сүбэһитэ