Бэҕэһээ Саха Өрөспүүбүлүкэтин сэрии, тыыл, үлэ, быраабы араҥаччылыыр уорганнар уонна сэбилэниилээх күүстэр бэтэрээннэрин уопсастыбаннай тэрилтэлэрин Кыһыл Знамятын Наахара нэһилиэгин дьаһалтатын, бэтэрээннэрин бэрэстэбиитэллэриттэн Агдаары үрэх кэрэ айылҕалаах миэстэтигэр туттубут. Юнармеецтар знамяны күөрэччи көтөҕөн киириилэрин бары мустубут тыыл, үлэ бэтэрээннэрэ, олохтоохтор, үөрэнээччилэр буолан атахтарыгар туран Кыайыы томторугар уруйдуу көрүстүлэр.
Өрөспүүбүлүкэ бу суолталаах эстафетатын ис хоһоонун, сыалын-соругун туһунан нэһилиэк баһылыгын солбуйааччы Айталина Михайлова Айталина эдэр дьоҥҥо билиһииннэрдэ. Өр сылларга бэтэрээн сэбиэтин салайан үлэлэппит Фатима Подрясова, билигин ытык дьон сэбиэтин салайааччыта Надежда Данилова аҕам саастаах дьоммут бэйэлэрин харыстаммакка, дойдубут туһугар диэн үлэлэрин, кинилэр Аҕа дойдуну көмүскээн хорсун быһыылары оҥорбуттарын, бэйлэрин сырдык тыыннарын толук уурбуттарын туһунан кэпсээтилэр, кинилэр дьоруойдуу быһыыларын ким да умнубатын диэнтилэр. Ону сэргэ ыччакка патриотизм суолтатын быһааран кэпсээтилэр.
Бүтүн норуоту сирдээбит, бэйэтин тула муспут Кыһыл Знамяны көрсө 95 саастаах ытык кырдьаҕаһыттан кыра кылаас үөрэнээччитигэр тиийэ сүгүрүйэ, ытыктыы уруйдаатылар. Хатыламмат түгэни мүлчү туппакка бөлөҕүнэн да, биирдиилээн дахаартыскаҕа түһэн үйэтитиигэ хааллардылар.
Тэрээһиҥҥэ кыттыбыт бары олохтоохторго, үөрэнээччилэргэ барҕа махтал буоллун.
Эльвира ФЕДОРОВА, Бүлүүчээн