Сунтаар нэһилиэгэ 260 сылын бэлиэтиир өрөгөйдөөх киэһэтэ

Сунтаар нэһилиэгэ тэриллибитэ 260 сылын бэлиэтиир үөрүүлээх тэрээһинигэр “Партизан” НАТК дьон баппат үлүгэрэ муһунна. Маанытык таҥныбыт-симэммит дьон бу бэлиэ түгэнинэн  эҕэрдэлэһэллэр, оҕолор үөрүүлэрэ-көтүүлэрэ иһиллэр, сибэкки тутуурдаах дьон көрөөччү саалатыгар ааһаллар.

Киирээти кытта кулууп фойетыгар 2024 сылга үбүлүөйдээх сылларын бэлиэтээбит тэрилтэлэр быыстапкаларын тардыбыттар. Манна тэрилтэ үлэтин-хамнаһын, ситиһиитин, үлэһит дьонун билиһиннэрэр истиэндэлэр турбуттар. Ону таһынан, архыып матырыйаалыттан экспонаттары, оҥорон таһаарар бородууксуйаларын көрдөрүүгэ уурбуттар.

Кэлбит ыалдьыттары саамал кымыһынан, арыылаах алаадьынан күндүлээтилэр.

Үөрүүлээх тэрээһини Сунтаар нэһилиэгин өрөгөй ырыатынан 260 киһилээх хор арыйда. “Оо, мин дойдум Сунтаар” ырыа тылын Саха норуодунай суруйааччыта Н.Михалева- Сайа, матыыбын Л.Пустолякова- Дьэрэлийэ Күндээр суруйбуттара.

Сунтаар нэһилиэгин баһылыгын эбээһинэһин толорооччу Семен Николаев кылгастык нэһилиэк  ситиһиилэрин, үлэ- хамнас туһунан кэпсээтэ.

Онтон “Ытык саас” бэлиэни нэһилиэк кырдьаҕас олохтооҕор 95 саастаах Ирина Николаевна Потаповаҕа туттарда.

Бу күн элбэх дьон  үрдүкү сыанаттан  араас таһымнаах наҕараадалары тутан үөрдүлэр. СӨ тырааныспар уонна суол хаһаайыстыбатын министиэристибэтэ наҕараадатын Сунтаардааҕы автотранспортнай тэрилтэ бэтэрээн үлэһиттэригэр туттардылар.

Улуус аҕа баһылыга Анатолий Григорьев Сунтаар улууһун социальнай-экономическай сайдыытыгар тус кылааттарын, өр сыллаах бэриниилээх үлэлэрин иһин наҕараадаларын “Сунтаар лесничествота”, Сунтаардааҕы гражданскай авиационнай, метереологическай станция, Сунтаардааҕы авиалесоохрана үлэһиттэригэр  туттартаата.

Нэһилиэк үбүлүөйдээх сылыгар “Сунтаар нэһилиэгин бочуоттаах олохтооҕо” бэлиэни СӨ тыатын хаһаайыстыбатын үтүөлээх үлэһитэ, РСФСР тыатын хаһаайыстыбатын социалистическай  күрэһин туйгуна  Исидор Николаевич Петров, Сунтаардааҕы технологическай колледж бэтэрээнэ, “Көлүкэчээн” ырыа ансаамбылын көхтөөх кыттыылааҕа, баай уопуттаах настаабынньык Агафья Андреевна Кириллина, оҕо бибилэтиэчинэй ситимин эйгэтигэр таһаарыылаахтык үлэлээбит, СӨ култууратын култууратын туйгуна, 3 кинигэ ааптара Зинаида Ивановна Птицина- Күндүүнэ Кынтар Уйбаан кыыһа,  Арассыыйа нолуогабай сулууспатын бочуоттаах үлэһитэ Валентина Николаевна Шадринова, “Кириэстээх” тыатын хаһаайыстыбатын кооперативын бэрэссэдээтэлигэр, СӨ тыатын хаһаайыстыбатын туйгуна, “Арассыыйа бочуоттаах гражданина” уопсастыбаннай билинии үрдүкү уордьанын хаһаайына Владимир Семенович Егоров ыллылар.

Бу кыһын Сунтаар нэһилиэгэр элбэх оҕолоох Винокуровтар  дьиэлэрэ кытарарга былдьаммыта. Маныаха Сунтаар нэһилиэгин олохтоохторо түмсүүлээхпитин, аһыныгас сүрэхтээхпитин көрдөрбүппүт. Элбэх оҕолоох ыалы уоттан быыһаабыт, дьон олоҕун быыһыырга хорсун быһыыларын иһин Прокопий Игоревич Константиновка, Трофим Семенович Павловка махтал сурук туттулар.

Бу бэлиэ күҥҥэ 45 сыл устата бииргэ олорбут Надежа Михайловна, Иван Владимирович Поповтары ыал буолуу үрүҥ көмүс кинигэтигэр киллэрдилэр. 50 сыл бииргэ олорбут Полина Николаевна Семенова, Николай Иванович Кириллиннары, Розалия Степановна Назарова, Христофор Иванович Федоровтары ыал буолуу кыһыл көмүс кинигэтигэр киллэрии үөрүүлээх түгэнэ буолла. Ил Дархан Айсен Николаев “Дьиэ кэргэн килбиэнэ” анал бэлиэтин туттарыыта буолла. Ону тэҥэ, нэһилиэк эҕэрдэ суруктарын уонна бэлэхтэрин 55 сыл бииргэ олорбут  Светлана, Прокопий Яковлевтар, Розалия, Дмитрий Федоровтар, Валерия, Иван Егоровтар, Розалия, Афанасий Васильевтар ыллылар.

2024 сыл түмүгүнэн ситиһиилээх оҕолору эмиэ умнубатылар. Нэһилиэк дьаһалтата махтал суругун уонна бэлэхтэрин “Түһүлгэ” НФК, Сунтаар 3 №-дээх оскуолатын “Пульс” кэлэктиибэ, “Сонор” көрдүүр этэрээтэ, СПТЛИ  иһинэн тэриллибит быыһыыр этэрээт, «Кулун кугас аттаах Куллустай Бэргэн” оҕо олоҥхотун кыттыылаахтарыгар биэрдилэр.

Сунтаар улууһугар Аҕам саастаахтарга ытыктабыл сылынан нэһилиэк олоҕор көхтөөх кыттыыларын иһин “Алгыс” бэтэрээннэр кулууптарын, “Көҕүөр” хор, “Көлүкэчээн” ырыа ансаамбыла, Аҕа дойду буойуттарын дьиэ кэргэттэрин иһинэн тэриллибит “Харысхал” түмсүү, “Өрөгөй” эр дьон ансаамбыла, “Сарасвати” индийскэй үҥкүү студията кыттыылаахтара эмиэ бэлиэтэннилэр.

 

Сыл түмүгүнэн араас хайысхаларынан бастыҥ көрдөрүүлээх, үрдүк ситиһиилээх, нэһилиэк уопсастыбаннай олоҕор көхтөөхтүк кыттар дьон, тэрилтэлэр «Сунтаар нэһилиэгэ» муниципальнай тэриллии баһылыгын гранын ылаллара үтүө үгэскэ кубулуйда.

2024 Сыл түмүгүнэн «Үөрэх эйгэтин сыл бастыҥа» анал ааты Павлова Надежда Александровнаҕа -Сунтаардааҕы   «Кыталык» оҕо сайдар киинин ырыаҕа уһуйааччытыгар, «Култуура уонна духуобунас эйгэтигэр сыл бастыҥа» анал ааты «Көҕүөр» хор кыттыылаахтарыгар салайааччы, хормейстер  Виктория Ивановна Мойтохоноваҕа, «Доруобуйа харыстабылын эйгэтигэр сыл бастыҥа» анал ааты Андреева Марина Борисовноҕа – Сунтаардааҕы киин балыыһа поликлиникатын медицинскэй профилактика бырааһыгар, «Тыа хаһаайыстыбатын эйгэтигэр сыл бастыҥа» анал ааты Сардана Дмитриевна, Афанасий Семенович Винокуровтарга,

«Спорт эйгэтигэр сыл бастыҥа» анал ааты Игнат Александрович Федоровка— «Ньургуһун» оҕо сайдар киинин успуорт инструктора, «Олох – дьаһах куттала суох буолуутун хааччыйар эйгэ бастыҥ үлэһитэ»  анал ааты «Сунтаардааҕы авиалесохрана» тэрилтэтин кэлэктиибигэр (Салайааччы Григорий Анатольевич Тараяров), «Олох дьаһах коммунальнай хаһаайыстыба уонна благоустройства эйгэтигэр сыл бастыҥа» анал ааты «Сунтаравтодор» ХЭТ кэлэктиибигэр (салайааччы Дмитрий Дмитриевич Тен), «Сунтаар нэһилиэгин олоҕор бастыҥ общественнай түмсүү» анал аата аҕа дойдуну көмүскээччилэр дьиэ кэргэттэрин кэмитиэтин иһинэн тэриллибит Сунтаардааҕы «Харысхал» түмсүүгэ,

 

«Эргиэн уонна өҥө эйгэтигэр сыл бастыҥа» анал ааты урбаанньыт Мария Семеновна Павловаҕа, «Көрдөрөр – иһитиннэрэр уонна суруналыыстыка эйгэтигэр сыл бастыҥа» анал ааты Мира Петровна Афанасьеваҕа «Сунтаар сонуннара» оройуоннааҕы хаһыат редакторыгар туттардылар.

Сунтаар сэлиэнньэтэ төрүттэммитэ 260 сылыгар аналлаах Сунтаар нэһилиэгин баһылыгын 6-с үлэ кэлэктииптэрин холбоһуктаах хамаандаларын ортолоругар комплекснай спартакиада түмүктэрэ билиннэ. Ол курдук,  3 үрдэл  кубогынан уонна 50000 тыһыынчалаах сертификатынан «Саҥа тыын» Сунтаар улууһун кииннэмит балыыһатын тэрилтэтэ буолла.

2 үрдэл кубогынан уонна 70000 тыһыынчалаах сертификатынан «Добун» холбоһуктаах хамаанда ОДьКХ Сунтаардааҕы филиала,  «Ньургуһун» оҕо сайдар киинин холбоһуктаах тэрилтэлэрэ наҕараадаланнылар.

Кыайыы өрөгөйүн 1 үрдэл кубогынан уонна 100000 солк.сертификатынан «Дайан» холбоһуктаах хамаанда – Сунтаардааҕы баһаарнай сулууспа баһаарнай чааһа, «Кыталык» оҕо сайдар киинэ, Сунтаардааҕы кииннэммит бухгалтерия холбоһуктаах хамаандата наҕараадаланнылар.

 

Мира АФАНАСЬЕВА

Читайте дальше