Бэтэрээннэр сэбиэттэрин тэриллибитэ 40 сыллаах үбүлүөйдээх знамята бүгүн Маар-Күөл сириттэн Дьаархаҥҥа айаннаан кэллэ. Знамяны нэһилиэк баһылыга Виктор Бурцев,
«Айылгы» култуура киинин директора Эльвира Егорова, доруобуйаларынан хааччахтаах дьон обществоларын бэрэссэдээтэлэ Екатерина Спиридонова уонна үлэ, сыана ветерана Анна Менякова арыаллаан аҕаллылар. Кытыастар кыһыл былааҕы Дьаархан олохтоохторо уруйдаан-айхаллаан, саха сиэринэн кымыстаах алаадьыннан айах тутан «Кыайыы» искибиэригэр көрүстүлэр. Виктор Бурцев знамяны үөрүүлээх быһыыга-майгыга Дьаархан баһылыгар Петр Тимофеевка туттарда. Ол кэннэ эйэлээх олох туҺугар олохторун толук уурбут дьоммутугар сүгүрүйэн ытык бэлиэҕэ сибэккии дьөрбөтө уурдулар. Салҕыы үбүлүөйдээх Знамяны тыыл ветерана, 94 саастаах Марфа Уарова тутан бар дьонугар эҕэрдэ тылын эттэ. Өрөспүүбүлүкэбит хас биирдии нэҺилиэгэр сылдьан ааҺар знамя бүгүн үлэни өрө туппут, үлэннэн дьолломмут дьоннордоох Дьаархаҥҥа хонон баран Тойбохой нэҺилиэгэр барыа.
Анна Маркова, Дьаархан
