Олунньу 2 күнүгэр Сунтаар улууһун дьаһалтатын мунньахтыыр саалатыгар Дьаархан нэһилиэгэ тэриллибитэ 255, оскуола төрүттэммитэ 90 уонна «Одун» үҥкүү бөлөҕө 20 сылын бэлиэтиир тэрээһиннэрин сүбэ мунньаҕа буолан ааста. Сунтаар улууһун баһылыгын социальнай уонна имиджевай бэлиитикэҕэ солбуйааччы Мирослав Иванов салайааччылаах улуус саламтатын хамыыһыйата Дьаархан нэһилиэгин баһылыга Петр Тимофеев уонна тэрилтэ салайааччыларын сыллааҕы былааннарын иһиттилэр, улуус өттүттэн туох көмө наадатын билистилэр.
Бары да билэн олорбут, бу сылга үп-харчы кырыымчыгын. Ол да буоллар улуус саламтата төһө кыах баарынан күүс-көмө буолуохтарын биллэрдилэр. «Санаабыппыт курдук барыта сатаныа, тобулбуппут курдук барыта туолуо», — диир нэһилиэкпит баһылыга Петр Тимофеев.
Анна Маркова, Алена Егорова хаартыскаҕа түһэриитэ Дьаархан