Бүгүн анаабыт курдук, ыраас күөх халлаан, кыырай күөх халлааҥҥа күн мичилийэ тыган турар. Күнү көрөн, киһи хайдах эрэ оҕо мичээрин, кини үөрбүт харахтарын саныы биэрэр.
Ол да курдук, бүгүн олус маанытык таҥныбыт, илиилэригэр сибэкки дьөрбөлөөх, сайын устата улааппыт, дьоһуннаммыт оҕолор оскуола диэки хаамсаллар. Кинилэр быыстарыгар күн бэҕэһээ күнү сырса оонньообут, күөх хонууга лыаҕы сырса сылдьыбыт кырачааннар, быйыл бастакы кылааска киирэр уол, кыыс эмиэ дуоспуруннаахтык туттан, төрөппүттэрин кытары илии илииттэн ылсан сэргэстэһэ иһэллэр.
Сунтаар 1 нүөмэрдээх оскуолата — саамай элбэх үөрэнээччилээх улуус улахан оскуолата. Быйыл манна 700-чэ оҕо үөрэниэҕэ. Саҥа үөрэх дьылыгар 3 бэһис кылаас баар буолла. Үөрүүлээх линейкаҕа орто сүһүөх кылаас буолбут бэһис кылаас үөрэнээччилэрин оскуола бэйэтин иллээх, көрдөөх кэлэктиибигэр үөрэ-көтө көрүстэ. Инникитин үөрэхтэригэр ситиһиилэри, үгүс доҕору, үүнүүнү-сайдыыны баҕардылар.
Яина ВЛАСЬЕВА