Арыылаах олохтоох бибилэтиэкэтигэр Светлана Павлова «Иэйэр иэйиим таммахтара» диэн хоһоон түһүлгэтин тэрийдэ.
Светлана Павлова Арыылаах нэһилиэгэр кийиит буолан олохсуйбута 40 ча сыл буолбут. Бастыҥ мааны ыал Далбар хотуна. Оҕуруотчут бэрдэ, олоххо үтүөнү эрэ түстүү сылдьар киһи буолар. Бэйэтэ этэринэн, дьиэ кэргэни, эр киһини өрө тутабын ол иһин хоһооннорум олох туһунан диир.
Бу түһүлгэҕэ дьүөгэлэригэр, дьиэ кэргэнигэр, оҕолоругар анаан суруйбут хоһооннорун ааҕан иһитиннэрдэ. Итини сэргэ мустубут дьүөгэлэрэ, ыалдьыттара Светлана хоһоонун долгуйан туран аахтылар. Түмүгэр сылаас чэйдээх сандалы тула иһирэх кэпсэтии буолла.
Варвара ИВАНОВА