Ол курдук, искусство нэдиэлэтин чэрчитинэн Уустуйа оскуолатын 8-с кылааһын үөрэнээччитэ Алексанна Федотова «Красочный шёпот» диэн айар быыстапкатын аһыллыыта буолла.
Алексанна уһуйааччыта Валентина Михайловналыын уруок кэмигэр уонна эбиэт кэнниттэн буолар куруһуоктарыгар араас оҥоһуктары, киэргэллэри, хаартыналары оҥорбуттарын көрөөччүлэр көрөн наһаа сэҥээрдибит уонна сөхтүбүт. Быыстапка аһыллыытыгар оскуола дириэктэрэ Виктор Данилевич үөрэнээччитин эҕэрдэлээн тыл эттэ. Алексанна бииргэ үөрэнэр оҕолоро уонна учуутала сэмэй бэлэх туттардылар.
Маны таһынан, быыстапка аһыллыбытынан Алексанна ийэтэ Анна Федотова минньигэс ас астаан көрөөччүлэри күндүлээтэ.
Бу курдук оскуолаҕа үөрэнэр, чуолаан доруобуйаларынан хааччахтаах оҕолорго болҕомто ууран, туһалаах дьарыкка уһуйа сылдьарыгар Валентина Михайловнаҕа төрөппүттэр махтал тыллары эттилэр.
Василисса АНДРЕЕВА,Уустуйа. «Сунтаар сонуннара»хаһыат уопсастыбаннай кэрэспэдьиэнэ