Сунтаар нэһилиэгэр тутулла турар ууну ыраастыыр ыстаансыйа тутуутун нэһилиэк баһылыга Эдуард Филиппов миэстэтигэр тиийэн, күннэтэ билсэ турар. Тустаах эбийиэк Арассыыйа Бэрэсидьиэнэ Владимир Путин көҕүлээбит «Жилье и городская среда» национальнай бырайыак уонна Саха сиригэр үлэлии турар «Чистая вода» анал бырагыраама чэрчитинэн барар.
Бүгүҥҥү күннээҕи туругунан эбийэккэ ыстаансыйа турар сири тэҥнээн биэрии, бордюр ааһар сирин көрүү уонна экскаваторынан котлованы тэҥнээһин үлэтэ барар.
Билиҥҥитэ манна 13 киһи, 4 тиэхиньикэ үлэлиир. Тутуу бэлэмэ 82%-ҥа тэҥнэһэр. Былаан быһыытынан ыстаансыйа сыл бүтүүтэ үлэҕэ киириэхтээх. Оччотугар ыстаансыйа үлэтин «Водоканал» АУо сүрүннүө. Улууспут киинин олохтоохторун ыраас иһэр уунан хааччыйыахтаах. Бу туһунан «Сунтаар нэһилиэгэ» МТ дьаһалтата иһитиннэрэр.
Гаврил АНДРЕЕВ
Георгий Афанасьев хаартыскаҕа түһэриитэ.