ХОЙ
Уустук балаһыанньаҕа бэйэҕин сатаан туттунар үтүө дьоҕургун сайыннардаххына, чугас дьоҥҥор сыһыаҥҥын арыый сымнаттаххына, олоххо көрүүҥ уларыйыан сөп. Барыта хара сурааһын буолбатаҕын өйдүөҕүҥ.
ОҔУС
Нэдиэлэ астык түгэннэринэн, ситиһиилэринэн толору буолуо. Чугас дьонуҥ сылаас сыһыаннара, өйөбүллэрэ үөрдүө. Айар-тутар үлэ ордук табыллыа. Киэһэтин үлэ кэннэ көй салгыҥҥа дьаарбайан сылааны аһарын.
ИГИРЭЛЭР
Барыга бары көхтөөх, киириилээх-тахсыылаах буолуоҥ. Үлэҕэ-хамнаска сонун, сэргэх идиэйэ үгүс буолуо. Айар үлэлээх игирэлэр ордук көхтөөх буолуохтара. Чугас дьоннуун, доҕоттордуун сыһыан эриэ-дэхси.
АРААК
Бэйэҕэ эрэллээх буоларга кыһан. Үп-харчы дьыалатыгар табыллар кэмиҥ. Дьыалабыай кэпсэтии ситиһиилээх буолуоҕа. Туһата суох кураанах кэпсэтиилэргэ бириэмэни бараабат ордук. Чугас дьоҥҥор болҕомто уурары умнума.
ХАХАЙ
Нэдиэлэ саҕаланыыта ыарахаттары көрсүөххүн сөп. Ол эрээри саҥа толкуй ситиһиини түстүөн сөп. Чугас дьонуҥ сүбэтин ылынарыҥ ордук. Ол эрээри бу күннэргэ ыраах айантан туттунар наада. Былааҥҥын ыһа-тоҕо кэпсээмэ.
КЫЫС
Сылайбыккын, ханна эрэ ыраах сынньана барар туһунан толкуйуҥ ситиһиилээх буолуо. Доҕоттору, чугас дьону кытта алтыһыы үтүө эрэ өттүнэн тосхойуо.
ЫЙААҺЫН
Саҥа былааннары туруорунаргар сөптөөх кэм. Сыалгын-соруккун, баҕа санааларгын туора уурума. Бу нэдиэлэҕэ ыралаабыккын олоххо киллэрэргэр кыах көстүөн сөп. Чугас дьоҥҥор болҕомто уурары умнума.
СКОРПИОН
Ситиһии сиэттиһэ сылдьар. Үлэ-хамнас таһаарыылаах буолуо, чугас дьоҥҥунуун сыһыан сымныа. Сынньанары, холкутуйары умнубатыҥ ордук. Үп-харчы да сөбүгэр баар. Дьону кытта сыһыаҥҥа судургу буоларга кыһалын. Саҥа ылсыбыт дьыалаҥ ситиһиини аҕалыа..
ОХЧУТ
Айар үлэ күөстүү оргуйар. Саҥа дьоннуун билсиһии санааҕын кынаттыыр. Олоххунан дуоһуйаҕын. Таптал да иэйиитигэр куустарыаххын сөп. Өрө көтөҕүллэ, үөрэ-көтө сырыт, хайа да балаһыанньаҕа кыыһырсыыны уҕарытар майгыҥ тус олоххор үтүөнү эрэ аҕалыа.
ЧУБУКУ
Үлэ-хамнас түбүгүттэн, бар дьонтон сылайбыт курдуккун. Сөбүлүүр дьарыккынан ылсан дьарыктаныы өйгүн-санааҕын сааһылыаҕа. Нэдиэлэ үгүс үтүө түгэни тосхойуо, сонун билсиһиилэр баар буолуохтара. Доруобуйаҥ туругун көрүн, оһолтон сэрэхтээх буол.
КҮРҮЛГЭН
Бу нэдиэлэ ситиһиитэ үгүс буолуо. Билиигин хаҥатыаххын, урут сылдьыбатах сиргэр сылдьыаххын сөп. Биир сиргэ олорон хаалыма. Элбэх дьонноох сиртэн кыраҕыйыма, бу сылдьан аналгын да көрсүөххүн сөп.
БАЛЫКТАР
Дьон судургу майгытын хайдах баарынан ылына сатаа. Дьиэ кэргэҥҥэр бэйэҥ эрэ эппиккин өрө тутума. Дьону кытта уопсай тылы булуу эн мындыр өйгүн туоһулуур. Бу күннэргэ ыарахан үлэттэн, ноҕуруускаттан тэйиччи туттубутуҥ ордук.