Ытыктабыллаах биир идэлээхтэрбит, суруналыыстар, бэчээт үлэһиттэрэ, уопсастыбаннай корреспонденнар, күндү ааҕааччылар!
“Сахабэчээт” Саха Өрөспүүбүлүкэтин судаарыстыбаннай автономиялаах тэрилтэтин уонна тус бэйэм ааппыттан Эһигини идэлээх күҥҥүтүнэн – Арассыыйа бэчээтин күнүнэн эҕэрдэлиибин!
Билиҥҥи информация тэнийбит, судургута суох үйэтигэр маассабай информация сириэстибэлэрин үлэтэ ордук суолталанар. Билиҥҥи сымыйа сурах күүскэ тарҕанар кэмигэр ааҕааччыбыт “Сахабэчээт” таһаарар хаһыаттарыгар, сурунаалларыгар итэҕэйэр, күүтэр. Суруналыыс идэтин баһылаабытыттан, талааныттан, кырдьыгы тутуһуутуттан, түргэниттэн, ардыгар хорсунуттан олус улахан тутулуктаах. Суруналыыс хараҕа уонна кини сытыы бөрүөтэ буола турары тиэрдэн уопсастыбаннай санааны үөскэтэр, санааны сытыылыыр, саҥаны арыйар, саҥа саҕахтарга угуйар. Кини сытыы бөрүөтүнэн дойдутун уонна дьонун көмүскэлигэр эрэллээхтик турар.
Күндү доҕоттор! Эһиэхэ бу идэлээх күммүтүгэр сылайары билбэт, хаһан да аҕырыыры билбэт сыралаах үлэҕитигэр, сыппаабат бөрүөҕүтүгэр, сындалыйбат сындааһыҥҥытыгар ис сүрэхтэн махтанабын. Эһиэхэ үлэҕитигэр саҥа үрдэллэри, эйэлээх халлааны, бөҕө доруобуйаны, дьолу-соргуну баҕарабын.
Ньургуйаана СТРУЧКОВА, «Сахабэчээт» СӨ САТ генеральнай дириэктэрэ