П.Х.Староватов аатынан Элгээйи орто оскуолатын 7 кылааһын үөрэнээччилэрэ Ева Яковлева, Роксана Петрова Элгээйи оскуолата сэрии кэмигэр историятын чинчийбит үлэлэригэр олоҕуран, 5″б» кылаас, кылаас таһынааҕы «Чинчийэр — киинэ кулууба» дьарык оҕолоро Александров Вова, Акимов Арылхан, Иванов Артем, Поротов Айуран, Попов Матвей, педагог — библиотекарь, Вера Афанасьевна Постникова салайыытынан, Кыайыы 81, Элгээйибит нэһилиэгин 255 сылларынан документальнай киинэ устан, оскуола оҕолоругар, үөрэтэр учууталларыгар бүгүн ыам ыйын 8 күнүгэр сүрэхтээтилэр. Киинэни көрүү кэнниттэн оскуолабыт директора Софья Васильевна бу киинэ хайдах курдук суолталааҕын, оҕолор саҥалара — иҥэлэрэ үчүгэйин, мантан элбэҕи билбиттэрин, » Туойдаах Алаас » музейбыт баай, ханна да мээнэ суох сэдэх матырыйааллааҕын эттэ. Оҕолор олус сөбүлээбиттэрин дохсун ытыс тыаһынан бигэргэттилэр. Киинэҕэ үлэлээбит оҕолор, салайааччы хайҕабыл сурук, минньигэс бириис тутан, Кыайыы күнүн өрөгөйүн үйэ саас тухары умнуохтара суоҕа. Бу кинилэр олохторугар аан маҥнайгытын киинэҕэ уһуллууларын сүрэхтэниитэ ыытылыннаҕа.
Людмила ПАВЛОВА саха тылын, литературатын учуутала
