«Одуннарбыт» үбүлүөйдээх сылларын бэлиэтии Туймаада туонатыгар — дьоллоох Дьокуускай куоракка биэс тимир көлөнөн оҕолуун-уруулуун, дьиэ кэргэнинэн 50-ча буолан кэлэн сылдьабыт.
Манна үлэлии, үөрэнэ сылдьар выпусниктарбытын кытта репетициялыырбытыгар «Патриот» ыччат киинэ (сал. Сулустаан Заболоцкай) үөрэ-көтө ааннарын астылар. Үҥкүүһүттэрбит, бэйэлэрин дьиэлэригэр курдук, 2 этээһинэн эрчиллэ сырыттылар. Кырдьык, ыччакка анаан наадалаах киин аһыллыбыт эбит диэн бэлиэтии көрдүбүт. Араас тэрээһиннэри ыытарга босхо үҥкүү хоһо, актовай саала бириэмэнэн уларсаллар. Биһиги дьолбутугар бу күннэргэ туох да тэрээҺин суох буолан сарсыардаттан киэһээҥҥэ диэри астына дьарыктанныбыт.
«Одуннарбыт» үбүлүөйдээх кэнсиэртэригэр бүгүн, олунньу 28 күнүгэр, А.Е.Кулаковскай аатынан НАДь 17.00 чаастан куорат олохтоохторун, ыалдьыттарын, Дьаархантан төрүттээх биир дойдулаахтарбытын ыҥырабыт.
Кэнсиэркэ «Одун» ансаамбыл кыра, улахан бөлөхтөрө, «Күлүм», «Сардаана», «Диаданс», «Күндэл», «Уран» үҥкүү ансаамбыллара, Лариса Иванова-Ырыа Дьаархан, Станислав Архипов кыттыыны ылыахтара. Кэнсиэрпитин Тускулаана Горохова-Кобельянова иилээн-саҕалаан ыытыаҕа.
Анна МАРКОВА, Дьокуус.
Екатерина Павлова хаартыскаҕа түҺэриитэ