Дьиҥинэн, өрүһү уҥуор-маҥаар туоратар тэриллэр баалларын бааллар. Ол эрээри үгүспүтүн да сыаналара салыннар. Чэ, мин ону үрүт үөһэ эридьиэстии барбаппын. Сөбүн суруйан, туруорсан эрэллэр. Буолумуна, араас кыһалҕа тыыннаах киһиэхэ барытыгар да баар буолуон сөп буоллаҕа.
Оттон хас биирдии улуус олохтооҕун кыһалҕатын чэпчэтэр, быһаарар аан бастаан араас таһымнаах баһылыктар, дьокутааттар буолуохтаахтар этэ буолбатах дуо?.. Соторутааҕыта аҕай буолбут быыбардарга кинилэр төһөлөөх этиннилэр-тыыннылар этэй?..
Улуустарын дьонун туһугар кылгас да кэмҥэ араас быыс-хайаҕас булунан үлэһит уолаттарга субсидия көрө түһэн дьоҥҥо көмөлөһөр буоллар, дьон-сэргэ дэлэ махтаныа этэ дуо… Ол этэ буоллаҕа дии — дьон туһугар үлэ.
Борис НИКОЛАЕВ