Ааспыт субуотаҕа Бүлүүчээҥҥэ от охсуутугар күрэс ыытылынна. Манна балаһыанньа быһыытынан сааһыттан тутулуга суох кыттааччы илии хотуурунан от оҕуста. Күрэскэ аҕыс киһи кыттан, уопсайа бу күн 2 гаа сир охсулунна.
Эбэ Кулуһуннааҕар буолбут «Күүлэй-2025» от охсуутугар күрэс кыайыылааҕынан Николай Иванов тахсан 50 тыһ. солкуобайынан наҕараадаланна. Иккискэ Андрей Максимов, кини 30 тыһ. солк. бирииһи тутта. Оттон үһүс миэстэ буолбут Константин Данилов 20 тыһ. солк бириэмийэлэннэ. Бу тэрээһин успуонсарынан биир дойдулаахтара, урбаанньыт Сергей Гуляев буолар.
«Күүлэй-2025» күрэс Бүлүүчээн нэһилиэгэ төрүттэммитэ 130, Улуу Кыайыы 80, С.А.Зверев-Кыыл Уола төрөөбүтэ 125 сылларыгар ананна.
«Сунтаар сонуннара» хаһыат