Ыам ыйын 12 күнэ — сиэстэрэ аан дойдутааҕы күнэ.
Сиэстэрэлэри идэлээх бырааһынньыккытынан уонна кэлэн иһэр медиктэр күннэринэн Сиэйэтээҕи врачебнай амбулатория бэйэбит кыыспыт Наталия Потапова салайааччылаах дьоҕус кэлэктииби истиҥник-итиитик эҕэрдэлиибит !
Сиэйэ балыыһата дириҥ историялаах, элбэх медик үлэлээн ааспыт тэрилтэтэ буолар.
Биэлсэр үөрэхтээх Галина Федотова үлэтигэр бэриниилээҕин нэһилиэк олохтоохторо бары билэбит, кинини сиэстэрэ идэтин толору баьылаабыт испэсэлиис быһыытынан билинэбит. Галина Иннокентьевна түүн-күнүс тымныыны- куйааьы, тоҥуу да хаары аахсыбакка туран ыарыһахха ыҥырдахтарына барарын билэбит, көрөбүт. Балыыһаҕа эдэр сааһыттан сиэстэрэнэн үлэлии сылдьар Маргарита Тимофеева олус сымнаҕас илиилээх, хайдахтаах да тымыры булан олус үчүгэйдик систиэмэ турурар. Мааны майгылаах, үлэтигэр бэриниилээх Маргарита Никитичнаны олохтоохтор олус ытыктыыллар. Аптека, анаалыс лаборатория үлэһитэ Сиэйэлэр мааны кийииппит Туйаара Егорова эмиэ үлэтигэр олус бэриниилээх үлэһит .
Билигин бочуоттаах сынньалаҥҥа олорор бэтэрээннэрбитин Николаева Фатима Семеновнаны, Федорова Мария Николаевнаны, Семенова Раиса Ивановнаны о. д.а. үлэлээн ааспыт бары медиктэри эҕэрдэлээн туран баһыыба бастыҥын этэбит, этэҥҥэ чэгиэн туруктаах сылдьаргытыгар баҕарабыт!
Эһиэхэ идэҕит олоххут арахсыспат аргыһа буолан, дьоҕургут, сатабылгыт кыһалҕалаах дьоҥҥо сулууспалыыр, эһиги үлэҕит ыалдьыбыт дьон үтүөрэригэр олук буолар.
Эһиги үлэҕитин билинии, үрдүктүк сыаналааһын бэлиэтэ — үтүөрдүбүт, атахтарыгар туруорбут дьоҥҥут дьоллоох сирэйдэрэ.
Идэни толору баьылааһыны сэргэ үтүө-амарах санааланыы, сайаҕас-уйаҕас буолуу – медиктэр сүрүн хаачыстыбалара диибит.
Оо, эмчиттэр, сүгүрүйэбит сүрэххит сылааьыгар,
Умсугуйабыт уйулҕа куккутугар,
Урааҥхайдыы уруй буолуохтун,
Сахалыы Айхал, Туску диибит!
Зоя СЕМЕНОВА, Сиэйэ