Ыһыах биир кэрэхсэнэр, көрөөччүнү түмэ тардар тэрээһинэ – ат сүүрдүүтэ буолар. Быйылгы үбүлүөйдээх ыһыахха Ньурба, Таатта улуустарыттан тиийэ кэлэн, уопсайа 7 араас дистанцияларга аттар илин-кэлин сүүрдүлэр. Дьөһөгөй күрүөтүгэр хаһааҥҥытааҕар да элбэх көрөөччү муһунна. Ыраахтан-чугастан кэлбит ыалдьыттар өрө күүрүүлээхтик, ыһыытаан-хаһыытан ханнык ат биэтэккэ бастакы кэлэрин долгуйа манаатылар. Сорох-сорохторо, ат сүүрдүүтүгэр көтүппэккэ сылдьар буолан, хайа ат баһыйарын эндэппэккэ билэн сүүрүү кэмигэр уксан да ыллылар.
Ол курдук, бастакы сүүрүүгэ 2 сааһыгар сылдьар саха аттара 800 м. сүүрдүлэр. Манна Күндэйэ ата Чуоҕурка сүүрдээччитэ Федот Генеров уонна Сунтаартан Тор сүүрдээччитэ Николай Прокопьев кытыннылар. 2 сүүрүүгэ – 1600 м. сааһыттан тутулуга суох саха аттара киирдилэр. Бу дистанцияҕа саамай элбэх ат сүүрдэ. Үһүс сүүрүүгэ Сунтаар улууһун аҕа баһылыга Анатолий Григорьев бирииһигэр, 2400 миэтирэҕэ сааһыттан тутулуга суох саха аттара киирдилэр. Бастаабыт акка 100 тыһ. солк. уонна Кутана ууһа оҥорбут анал бэлиэлээх, суруктаах-бичиктээх батыйата турда. Оттон иккис миэстэҕэ 75 тыһ. солк, үһүс миэстэҕэ 50 тыһ. солк. уу харчынан сэртипикээт ананна.
Төрдүс сүүрүүгэ сааһыттан тутулуга суох Саха сиригэр төрөөбүт ыраас хааннаах булкаас аттар 2400 м. илин-кэлин сырыстылар. Бэһис сүүрүүгэ Евгений Алексеев бирииһигэр 3200м. саха аттара түстүлэр. Алтыс сүүрүүгэ 3200 м. тупсарыллыбыт саха аттара киирдилэр. Түмүктүүр сүүрүүгэ Николай Ананьев Бирииһигэр 1600 м. «Бостуук ата» 5 ат сүүрдэ. Бу күрэххэ саамай кырдьаҕас атынан, Тааттаттан Гаврил Макаров сүүрдээччилээх 15 саастаах Дохсун буолла.
1-кы сүүрүү түмүгүнэн 800 м.
1 м. Чуоҕурка, сүүрдээччитэ Федот Генеров (Күндэйэ)
2 м. Тор, сүүрдээччитэ Николай Прокопьев (Сунтар)
2-с сүүрүү түмүгүнэн 1600 м.
1 м. Дохсун, сүүрдээччитэ Гаврил Макаров (Таатта)
2 м. Дьулуур, сүүрдээччитэ Роман Кривошапкин (Уһун Күөл)
3м. Күдээрис, сүүрдээччитэ Иван Николаев (Дьаархан)
3-с сүүрүү түмүгүнэн 2400 м.
1 м. Уолчаан, сүүрдээччитэ Прокопий Варфоломеев (Күндэйэ)
2 м. Күлүмнүүр, сүүрдээччитэ Семен Иванов (Хоро)
3м. Чолбон, сүүрдээччитэ Андрей Львов (Түбэй)
4-с сүүрүү түмүгүнэн 2400 м.
1м. Виктория Ай, сүүрлээччитэ Василий Федоров (Туойдаах)
2м. Джоконда, Сүүрдээччитэ Николай Прокопьев (Туойдаах)
5-с сүүрүү түмүгүнэн 3200 м.
1 м. Дьулуур, сүүрдээччитэ Роман Кривошапкин (Уһун Күөл)
2м. Дохсун, сүүрдээччитэ Гаврил Макаров (Таатта)
3м. Хоһуун, сүүрдээччитэ Василий Федоров, (Сунтаар)
6-с сүүрүү түмүгүнэн 3200м.
1 м. Арчылаана, сүүрдээччитэ Федот Генеров, (Куокуну)
2 м. Биһилэх, сүүрдээччитэ Василий Федоров, (Сунтаар)
3м. Сегун, сүүрдээччитэ Гаврил Макаров, (Уһун-Күөл)
7-с сүүрүү түмүгэ 1600 м.
1м. Мохсоҕол, сүүрдээччитэ Федот Генеров, (Кириэстээх)
2м. Туман, сүүрдээччитэ Василий Федоров, (Сунтаар)
3м. Мулан, сүүрдээччитэ Николай Прокопьев
Елизавета ТИТОВА