Улуустааҕы “Норуот бүддьүөтэ-2024” бырайыакка сайаапкалары күүтэллэр

“Норуот бүддьүөтэ” куоҥкуруһунан социальнай бырайыактарга бэриллэр субсидияҕа сайаапкалары от ыйын 1-20 күннэригэр тутуохтара.  Куоҥкурус улууспутугар хаһыс да сылын ыытыллар, социальнай суолталаах бырайыактары олоххо киллэриигэ көдьүүстээхтик үлэлиир. Улуус граныгар ыытыллар куоҥкурус сүрүн ис хоһоонунан 65 саастарыттан үөһээ саастаах уонна доруобуйаларыгар хааччахтаах дьон олорор усулуобуйаларын тупсарыыга социальнай хайысхалаах өҥөнү оҥоруу буолар.

Гранынан бэриллэр куоҥкурус быйылгы бүддьүөтүн уопсай суумата — 4 400 000 солк. Бу иһигэр социальнай хайысхалаах кэмиэрчэскэйэ суох тэрилтэлэргэ (юридическай сирэйдэр) көрүллэрэ – 500 000 солк. Улуус иһинээҕи уопсастыбаннай тэрилтэлэргэ, көҕүлүүр бөлөхтөргө (физическэй сирэйдэр) 3 900 000 солк. 1 сайаапкаҕа көрдөнөр муҥутуур суума 100 000 (сүүс тыһыынча) солк.

Субсидия бэриллэр бырайыактарын хайысхалара: доруобуйаларыгар хааччахтаах уонна 65-ттэн аҕам саастаах дьон олорор усулуобуйаларын тупсарыыга (дьиэ өрөмүөнэ, благоустройство)

 Манна киирэллэр:

— Дьиэни сылытыы үлэлэрэ;

— уунан хааччыйыы (тымныы, итии);

— канализациялааһын (ис уонна тас);

— электричествонан сырдатыныы уонна силовой оборудованиеларга саҥардыы, атынынан солбуйуу үлэтэ;

— сарайы өрөмүөннээһин (уларытыы);

— Дьиэ акылаатын, муостатын уларытыы;

— Дьиэ тас өттүн тупсарыы;

— Уу ситимигэр холбонор уотунан ититинии прибордарын саҥанан солбуйуу (конвекторы еврорадиаторынан солбуйуу);

— Ааны, түннүгү уларытыы.

Докумуоннары тутуу: от ыйын 20 күнүгэр диэри Ленин аатынан уулусса 26-с дьиэтин 2-с этээһигэр, 208 кэбиниэккэ, эбэтэр socotdelmr@bk.ru электроннай почтаҕа.

Сайаапканы биэрэргэ ирдэнэр докумуоннары сиһилии https://mr-suntarskij.sakha.gov.ru/news/front/view/id/3405996 сигэнэн киирэн көрүөххүтүн, олохтоох дьаһалтаҕытыттан билсиэххитин сөп.

Марфа ИВАНОВА.

 

 

 

 

Читайте дальше