VI төгүлүн ыытыллар улуустааҕы «Мы помним… » историческай-кыраайы үөрэтэр научнай-практическай конференция кулун тутар 5 күнүгэр буолара былааннанар. НПК сыала-соруга дойдуга бэриниилээх буолуу, гражданскай көҕү үрдэтии, бэйэ норуотун историятыгар ытыктабылы иҥэрии, биир дойдулаахтарбыт ааттарын үйэтитиигэ историческай архыып матырыйаалын хомуйуу, Кэмпэндээйитээҕи 8 №-дээх үлэ холуонньатыгар хаайыыга сыппыт дьон ааттарын булан үөрэтээһин. Тэрээһин С.А. Зверев-Кыыл Уолун аатынан норуот айымньытын киинигэр буолуоҕа. Барыта 4 секция үлэлиэ:
1.»Кемпендяйская исправительно-трудовая колония № 8: выявление судеб, осужденных по наслегам улуса. »
2.»Сунтарцы-участники ВОВ: воины победители, погибшие и пропавшие без вести»
3. «Все для фронта, все для Победы — участники тыла»
4. «Сунтарцы — участники боевых операций, СВО».
Маны тэҥэ, кэтэхтэн видеоролик, видео киинэ, кинигэ буктрейлердарын күрэҕэ, саха нуучча тылынан хоһоон ааҕыыта тэриллиэҕэ. Кыайыылаахтар лауреат, гран-при аатын ылыахтара.
Сунтаарбыт улууһун бары үөрэх тэрилтэлэрэ бу тэрээһиҥҥэ көхтөөхтүк кыттыахтара диэн эрэнэбит.
Сиһилии бу сигэнэн киирэн билсэргитигэр ыҥырабыт https://sunlibrary.ru/положение-улусной-научно-практическ/
«Сунтаар сонуннара» улуус хаһыата