Уус Алдан Бороҕонугар ыытыллыбыт Дыгын оонньууларын сэттэ төгүллээх кыайыылааҕын Иван Белолюбскай бирииһигэр, саха дэгит күрэҕигэр чөмпүйүөн Кубогын иһин киирсиигэ Сунтаар күүстээх бөҕөһө Тимофей Большаков кыайыылаах үрдүк аатын ылан, 300000 солк. сертификатынан наҕараадаланна. Тимофей этэринэн: «Бу күрэххэ кыттарбын хаһааҥҥытааҕар да долгуйбутум. Үрдэлгэ тахсыахпар диэри кыайыылаах буолбуппун итэҕэйбэтэҕим», — диир. Бу кыайыытын кэргэнигэр Мичийэҕэ аныырын этэр.
Эмиэ бу күрэхтэһиигэ Маар Күөл нэһилиэгин кэскиллээх ыччата Алексей Соколов үһүс миэстэ буолан биир дойдулаахтарын үөртэ.
Аны сайын уолаттарбытын Дыгын оонньууларыгар көрүөхпүт, ыалдьыахпыт турдаҕа.
«Сунтаар сонуннара»