Кулун тутар 18 күнүгэр «Кыталык» оҕо сайдар киинигэр «Деталька 2024» Аан дойдутааҕы робототехника уонна нейротехнология күрэһин региональнай түһүмэҕэ бэрт сэргэхтик ааста.
Бүлүү бөлөх улуустарыттан барыта холбоон 56 кырачаан кыттааччы кытынна. «Занимательная математика», «Творческий проект», «Юный Пифагор», «Робофутбол», «Нейролабиринт» диэн биэс хайысханан күрэстэстилэр. Робототехниканан оҕолор, улахан дьон умсугуйан туран дьарыктаналлар.
«Занимательная математика» түһүмэххэ:
1 үрдэл- Эрсан Иванов ( «Ньургуһун» оҕо сайдар киинэ, Сунтаар улууһа);
2 үрдэл- Оливия Колтовская («Кыталык» оҕо сайдар киинэ, Сунтаар улууһа);
Үс оҕо тэҥ очколаах тахсан 3 миэстэни үллэһиннилэр. Ол курдук: Айгылаан Николаев («Кыталык» уһуйаан, Ньурба улууһа), Сергей Павлов («Сардаана» оҕо сайдар киинэ, Сунтаар улууһа), Стас Федоров «Аленушка» оҕо сайдар киинэ, Бүлүү улууһа) кыайыылаах аатын ыллылар.
«Творческий проект» түһүмэххэ
4-5 саастаах улахан бөлөх оҕолоругар
1 үрдэл — «Бионикл» хамаанда («Кыталык» оҕо сайдар киинэ, Сунтаар улууһа),
2 үрдэл — «Кыталык» хамаанда («Кыталык» уһуйаан, Ньурба улууһа) ылан үөрүүлэрэ үксээтэ.
6-7 саастаах оҕолорго:
1 үрдэл — «Роботроники» хамаанда («Ньургуһун» оҕо сайдар киинэ, Сунтаар улууһа),
2 үрдэл — «Ай-тал» хамаанда («Кыталык» оҕо сайдар киинэ, Сунтаар улууһа),
3 үрдэл — «Кыталык» («Кыталык» уһуйаан, Ньурба улууһа) уонна «Биһик»(«Биһик» детсад, Ньурба улууьа) хамаандалар ыллылар .
«Юный Пифагор» түһүмэххэ
1 үрдэл — Богдан Тимофеев («Биһик» оҕо сайдар киинэ, Ньурба улууһа);
2 үрдэл — Валентин Егоров («Аленушка» оҕо сайдар киинэ, Ньурба улууһа);
3 үрдэл — София Федорова («Солнышко» оҕо сайдар киинэ, Сунтаар улууһа);
«Нейролабиринт» түһүмэххэ, саҥа уонна сонун буолан, быйыл биир кыттааччы кытынна. Ол курдук, Бүлүү куоратын «Аленушка» оҕо сайдар киинин иитиллээччитэ Никита Былахыров бу көрүҥҥэ суолу арыйааччы буолла. Саамай тыҥааһыннаах уонна күүтүүлээх күрэһинэн «Робофутбол» буолла. Ол курдук, 1 үрдэли-«Кыталык 1» хамаандата(«Кыталык» оҕо сайдар киинэ, Сунтаар улууһа),
2 үрдэли-«Кыталык 2» хамаандата («Кыталык» оҕо сайдар киинэ, Сунтаар улууһа),
3 үрдэли- «Верхневилюйск 2» («Теремок» оҕо сайдар киинэ, Үөһээ Бүлүү улууһа ) ылан үөрүү үктэллэннилэр.
Кыайыы өрөгөйүн билбит кырачааннарбыт ыам ыйын 10-11 күннэригэр Санкт-Петербург куоракка дойду таһымнаах күрэскэ кыттыыны ыларга путевка туттулар. Кыайыылаахтар Арассыыйа таһымыгар күрэстэһэр кыахтаммыттарын долгуйа уонна үөрэ иһиттилэр. Кырачаан кыттааччыларга өссө да ситиһиилэр кэлэ туралларыгар баҕарабыт.
Катерина АФАНАСЬЕВА,
«Кыталык» оҕо сайдар киинин иитээччитэ.