Бу күннэргэ биһиги Сунтаарбыт улууһун киинигэр араас култуурунай тэрээһиннэр буола аҕай тураллар.
0лортон ордук орто саастаах, кырдьаҕас көлүөнэ дьон куттарын туппут «Сайылыкка» диэн сахалыы киинэ буолла. Бу кэмиэдийэ хабааннаах киинэҕэ өрөспүүбүлүкэ биллэр артыыстара Сахаайа, Александр Бурнашов, Ника, о.д.а. эдэр ырыаһыттар «Сайылыкка» киинэ ырыаларын олус иэйиилээхтик, долгутуулаахтык
да толордулар. Оо, Кыыс Амма эбэ хотун биир аатырбыт ырыаһытын Клавдия Онуфриеваны бу баардыы санаан ыллыбыт.
Биир бэйэм үйэ аҥара кэм анараа өттүгэр да буоллар саха ырыаһыт күөрэгэйин ырыатын-тойугун эт кулгаахпынан истибиппинэн, бэйэтин уу харахпынан көрбүппүнэн, добуочча алтыһан ылбыппынан өссө төгүл астына, дуоһуйа, киэн тутта санаатым ээ…
Үгү көрөөччү киинэбит бүппүтүн билбэккэ да хааллыбыт. Өссө сорохтор киинэҕэ да олороллорун умнан ытыстарын таһынан ыллылар ээ.
Дьэ, ырыа иэйиитин күүһэ итиннэ буоллаҕа…
Борис НИКОЛАЕВ