М.И. Герасимов аатынан Сунтаардааҕы санаторнай оскуола-интэринээккэ Олоҥхо декадатын чэрчитинэн араас тэрээһиннэр ыытылла тураллар. Бэҕэһээ Сунтаардааҕы оҕо бибилэтиэкэтин үлэһиттэрэ Светлана Иванова, Римма Павлова, Марфа Спирова кэлэннэр Екатерина Чехордуна «Олоҥхо дойдута» кинигэтиттэн айымньыны куукулаларынан оонньотон, оҕолорго бэртээхэй олоҥхо киэһэтин тэрийдилэр. Мэлдьи остуоруйа, оонньуу, кэрэ кэпсээн кэһиилээх кэлэр ыалдьыттарбытыгар махтанан, Күн Дьирибинэ «Сахсырҕа уонна таракаан» үгэтин Анжелина Аргылова толоруутунан тэрээһиммит түмүктэннэ.
Ольга ДАНИЛОВА,
Сунтаардааҕы санаторнай оскуола-интэринээт дириэктэри үөрэтэр-иитэр үлэҕэ солбуйааччыта.