Сэтинньи 24 күнүгэр СӨ Ил Дархана судаарыстыбаннас бөҕөргүүрүгэр, өрөспүүбүлүкэ социальнай-экэнэмиичэскэй сайдыытыгар өр сылларга үлэлээбит, уһулуччу кылааттарын киллэрбит дьоҥҥо судаарыстыбаннай наҕараадалары туттарар туһунан ыйаахха илии баттаата. Биһиги Сунтаарбыт улууһуттан түөрт киһи үрдүкү наҕараадаҕа тигистэ:
“СӨ муниципальнай сулууспатын туйгуна” бочуоттаах бэлиэнэн Саввинова Варвара Ильинична, “Сунтаар улууһа” МО производствоҕа салааларыгар уонна агропромышленнай комплекска үп казначействотын отделын салайааччы;
“СӨ култууратын үтүөлээх үлэһитэ” аатынан Самойлова Галина Афанасьевна, Сунтаардааҕы култуура уонна духуобунай сайдыы управлениетын сэбиэдиссэйэ;
СӨ Ил Дарханын Грамотатынан Уларова Лилия Дмитриевна, “Сунтаар улууһа”МО административнай хамыыһыйатын бэрэссэдээтэлэ;
“Гражданскай килбиэн” бэлиэнэн Яковлев Виталий Иванович, педагогическай үлэ бэтэрээнэ, РФ уопсай үөрэхтээһинин бочуоттаах үлэһитэ, СӨ үөрэҕириитин туйгуна.
Биир дойдулаахтарбытын бу үрдүкү судаарыстыбаннай наҕараадаларынан эҕэрдэлиибит, киэн туттабыт.
“Сунтаар сонуннара” хаһыат.
Хаартыска ЯСИА сайтыттан