Бу күннэргэ биһиги, доруобуйаларынан хааччахтаах дьон, уопсастыбабыт салайааччылара Максимова Н.И., Гаврильева С.П., Краскова Н.А. көҕүлээһиннэринэн, Устье, Сиэйэ, Хадан, Кутана, Сунтаар, Элгээйи нэһилиэктэриттэн мустан, барыта 31 киһи буолан Элгээйи түмэлин көрдүбүт, сөхтубут, астынныбыт. Онтон эбиэккэ Элгээйи бибилэтиэкэтигэр итии чэй иһэ-иһэ ирэ-хоро кэпсэттибит, бэйэ-бэйэбитигэр бэлэх бэристибит, кронхол, дартс оонньоотубут.
Нэһилиэктэртэн доруобуйаларынан хааччахтаах дьон уопсастыбатын бэрээссэдээтэллэрэ — Кутанаттан Куприянова Л. Ф, Сиэйэттэн Алексеева Л. И, Устьетаттан Павлова А. П, Хадантан Васильева Л. Д. дьоннорун айаннарын сүрдээх үчүгэйдик тэрийбиттэр. Сунтаартан социальнай управление массыынатынан 10 буолан кэлбиттэр. Элгээйигэ биһигини сүрдээх үчүгэйдик, истиҥник, сылаастык көрүстүлэр. Онон сынньалаҥмытын тэрийбит үтүө дьоммутугар барыларыгар махталбытын тириэрдэбит.
Людмила АЛЕКСЕЕВА, Сиэйэ