Саастаах дьон күннэрин чэрчитинэн Сунтаар нэһилиэгин олохтоох дьаһалтата, бэтэрээннэр сэбиэттэрэ уонна «Бартыһаан» кулуубун кэлэктиибэ Абаҕа түөлбэ успуорт саалатыгар, саастаах дьоҥҥо араас күрэҕи тэрийэн ыыттылар. Тэрээһиммит сэбиэскэй саҕанааҕы тутулунан саҕаланна.
Ол курдук, знамя тутуурдаах, барабааннаах , горннаах, октябреноктар, пионердар, комсомоллар буолан парадтаан киирдибит. Параад кэнниттэн, Сэбиэскэй Союз гимнэ тыаһаатын кытта кыһыл былаахпыт үөһээ күөрэйдэ. Салайааччыларбыт эҕэрдэлэрин кэннэ , эдэр сааспыт биир кэрэ түгэнин санатан Олимпийскай эһэ Миисэбит киирэн , барыбытын кытта дорооболоһон үөһээ көттө.
Сэбиэскэй саҕана сарсыарда аайы истэн уһуктар «Сарсыардааҥҥы сэрээккэбитин» оҥордубут . Эдэр сылдьан гимн курдук ыллыыр «Широка страна моя родная» диэн ырыанан «Партизан» кулуубун кэлэктиибэ эҕэрдэлээтэ. Ол кэнниттэн күрэхтэр саҕаланнылар.
Шашкаҕа, шахматка, остуол оонньуутугар, дартска, корнхолга, ох саанан ытыыга, теннискэ кэлбит дьон үксүбүт күөн көрүстэ . Күрэх кыайыылаахтара мэтээл, грамота тутан үөрдүлэр . Ол кэннэ кыһыл былаахпыт түстэ, Олимпийскэй Миисэбит аллараа түһэн , эһиилгэ диэри быраһаайдаһан ааспытын кэннэ, нэһилиэк администрацията , бэтэрээннэр сэбиэттэрэ тэрийбит астаах остуолун тула олорон, «Партизан» кулуубун эҕэрдэ ырыаларын иһиттибит , оонньууларыгар оонньоон бириис тутан үөрдүбүт, үнкүүлээн да ыллыбыт. Араас күрэхтэргэ кыттан , үөрэн көтөн тарҕастыбыт.
Быыһык кэмҥэ олохтоох дьаһалтабыт саастаах дьоҥҥо араас тэрээһини тэрийэригэр махталбыт улахан . Партизан кулуубун кэлэктиибигэр, ойон хаалбыт кэрэ кэммитин санатан ааспытыгар барҕа Махтал! Аспытыгар күүс көмө буолбут атыыһыттарбытыгар улахан Махтал! Чэгиэн чэбдик сылдьыҥ! Барыта этэҥҥэ буолуохтун !
Розалия СИДОРОВА — Ымыычаана- Бэтэрээн сэбиэтин кыттыылааҕа